بنؤوشه‌دره

آذربایجان توپونیمیکاسی سایتیندان
(بنفشه درق-دن يوْل‌لاندیریلمیش)

بنؤوشه‌دره Bənövşədərə (بنفشه درق)

اردبیل - مرکزی بخش - بالیقلی دهیستانی - دهیستانین مرکزی: شام‌اسبی

توپونیمیک خصوصیتلر

سیستئم تیپ نؤع ایضاحات اهالینین دیلی
ماکروسیستئم اویکونیم کند ساده (مرکب قورولوشلو)، ائللیپتیک، جوغرافی نومئنسیز، فیتو-اورو-اویکونیم آذربایجان دیلی

دئموقرافیا

  • تصرفات: اکینچیلیک، مالدارلیق، فهله‌لیک و نقلیات.
  • محصوللار: بوغدا، یونجا، آرپا، پاخلالی بیتکیلر. *بیتکی اؤرتویو: ککلیک‌اوتو، شیرین‌بیان، بویماده‌رن، یارپیز، شاتره.
  • چؤل حیوانلاری: جاناوار، چاققال، تولکو، دووشان، ککلیک، قیرقوول.
  • قونشو کندلر: شام‌اسبی و گوللو *داغلار: بؤیوک آللاهواکبر، کیچیک آللاهواکبر، خان‌تپه‌سی

گورگاندا «بنفش تپه» (به‌نؤوش تپه)، تبریزده و ماراغادا «بنؤوشه‌درق» آدلی کندلر واردیر. اردبیلین 7 کیلومئتر جنوب غربینده یئرله‌شیر. رزم‌آرایا23 اساسا 1330-جو ایله کیمی بورادا 791 نفر یاشاییرمیش.

  • «شناسنامه روستایی استان اردبیل»: تاریخ پیدایش روستا به 500 سال پیش می رسد که ریشه این روستا از روستای شیخ کلخوران می باشد ولی بعضی ها مهاجر24 می باشد.

آذربایجان توپونیملری‌نین ائنسیکلوپئدیک لوغتی

خانلار رایونو اراضی‌سینده بیر چایین آدی «بنؤوشه»دیر. مورووداغ (murovdağ) سیلسیله‌سینین شیمال یاماجیندان آخیر. کوره‌ک چایینی عمله گتیرن قوللاردان بیریدیر. اوزونلوغو 9 کیلومئتردیر. چای بنؤوشه‌لی آدلی یایلاقدان آخدیغی اوچون بئله آدلاندیریلمیشدیر. فیتوهیدرونیمدیر.

  • غربی آذربایجانین تورک منشالی توپونیملری:

گنجه قوبئرنیاسی‌نین زنگه‌زور قضاسیندا، ایندیکی مئغری رایونو اراضی‌سینده و رایون مرکزیندن 16-15 کیلومئتر شیمالدا یئرله‌شن بیر کندین آدی «بنؤووشه‌بوشت»دیر. کندده 1914-جو ایلده 28 نفر آذربایجانلی یاشاییردی. 1918-جی ایلده کند ائرمنی تجاووزونه معروض قالاراق بوتون اهالی تاریخی ائتنیک تورپاقلاریندان قوولموشدور. ایندی خارابا کنددیر. توپونیم بنؤوشه بیتکی آدی ایله فارس دیلینده «کیچیک تپه» معناسیندا ایشله‌نن «پوشته» سؤزوندن عمله گلمیش و «بنؤوشه تپه‌سی» معناسینی بیلدیریر. قورولوشجا مرکب فیتواورواویکونیمدیر.

  • تبریز و ماراغادا «بنؤوشه درق» (بنؤوشه‌دره»، نوشه‌هر و آمولدا «بنؤوشه ده» (بنؤوشه کندی)، کیرمانشاهاندا «بنؤوشه کوه» آدلی توپونیملر واردیر.

بو کند عینی آدلی بیر دره‌ده یئرله‌شیر. دره بنؤوشه گولو ایله زنگین اولدوغو اوچون بنؤوشه‌دره آدلانیب و دئمک فیتواورونیمدیر. کند ایسه آدینی همین دره‌دن آلدیغی اوچون فیتو اورو اویکونیم حساب اولونمالیدیر. ائللیپتیک جوغرافی نومئنسیزدیر. مکمل آدی «بنؤوشه‌دره کندی»دیر. سون واختلار اردبیلین انکیشافی آز قالا بو کندی ده احتوا ائتمکده‌دیر.