آلقیر
آلقیر Alqır (پیرآلقير)
اردبیل - مرکزی بخش - بالیقلی دهیستانی - دهیستانین مرکزی: شام‌اسبی
توپونیمیک خصوصیتلر
| سیستئم | تیپ | نؤع | ایضاحات | اهالینین دیلی |
|---|---|---|---|---|
| ماکروسیستئم | اویکونیم | کند | ساده، ائللیپتیک، جوغرافی نومئنسیز | آذربایجان دیلی |
دئموقرافیا
- تصرفات: اكينچيليك، مالدارليق، فهله‌لیک و نقلیات.
- محصوللار: بوغدا، يونجا، آرپا، پاخلالی بیتکیلر، تره‌وز، خاشا.
- بيتكي اؤرتويو: ککلیک‌اوتو، داغ نانه‌سی، شیرین‌بیان، بولاق‌اوتو، یارپیز، بویماده‌رن، یووشان، بنؤوشه
- چؤل حيوانلاري: جاناوار، چاققال، تولكو، دووشان، ککلیک.
- داغلار: قاراگونئی، قوشادره، سئیدلر دره‌سی، قاراوولخانا، قارا قایا
- چایلار: قاراقایا چایی، عالی‌دؤوروش آرخی. رزم‌آرانین یازدیغینا گؤره (1130) بو کندین سویو «گاربر» چاییندان تامین اولونورموش.
- آبیده: پیر ابراهیم، پیر سیدکاظم *قونشو کندلر: اسکی‌شه‌هر، قاسیم‌قیشلاغی، موللاباشی
- اردبیلین 13 کیلومئتر جنوب غربینده یئرله‌شیر. رزم‌آرانین21 یازدیغینا گؤره بو کندده 1330-جو ایله کیمی 852 نفر یاشاییرمیش.
- صریح الملک: «آلغر»، «الغر» که در بعضی قبالات مسطور است که قدیما «ارغل» حدیثا (جدیدا) «الغر» و حالا پیر «الغر» ...
- صفوه الصفا (ص. 391): الغر
- اردبیل لیواسی‌نین اردبیل ناحیه‌سینده «پیرآلقیر» شکلینده قیده آلینمیش و «خالی عن الرعایا» ایفاده‌سی ایله کندین بوشالدیغینی وورغولادیقدان سونرا «حاصل خمس غلات و عشر حبوبات و رسومات سایره» آدی آلتیندا 2000 آغچا وئرگی تعیین ائدیلدیگی بیلدیریلمیشدیر.
- «شناسنامه روستایی استان اردبیل»:
بنا به گفته اهالی، این روستا قبل از اسلام بوده است و چشمه «گؤزل خوندی»[گؤزه‌له‌خوندی] از دامنه این روستا سرچشمه گرفته، تاریخ این روستا را به زمان سلیمان پیامبر نسبت می دهد و کهریز (اهل ایمان)[اهلیمان] گؤزل خوندی فعلی می باشد. در این روستا به لحاظ وجود 2 باب پیر بدان جهت نام روستا از این پیر ها گرفته شده است.
اویکونیمین ائتیمولوگیاسی
آل(مقدس مكان) + قير (چؤللوك). قيد ائتمك لازيمدير كي، «قير» هم ده تورك ديللي تايفالاردان بيرينين آدي اولوب. لاكين ديگر طرفدن ده «قير» آد يارادان توپوفورمانتدير و قورو چؤل لاندشافتي اولان، آلچاق داغليق اراضيه دئييلديگي، ائله‌جه ده همين كندين جوغرافي لاندشافتي ايله تام اوست – اوسته دوشمه‌سي اونون ائتنو اويكونيم اولماديغي احتمالینی ایره‌لی سورمه‌یه امکان وئریر. لاکین «آل» سؤزونون مختلف معنالارینی (قیرمیزی، حیله، مقدس، قورخولو، ائل ....) نظره آلدیقدا بئله بیر قطعی قناعته گلمک اولور کی، «قیر» آذربایجاندا گئنیش یاییلمیش قیر/ قار تایفالارینین آدینی انعکاس ائتدیریر. مقایسه ائت، «قار+ا+لار» (کند)، «قار+طی» خوراساندا داغ22.
