آغمیان
آذربایجان توپونیمیکاسی سایتیندان
ایچینده‌کیلر
آغمیان Ağmiyan (عموقین/آق میان)
اردبیل - مرکزی بخش - سرداوا دهیستانی - دهیستانین مرکزی: خوشکه‌ری
توپونیمیک خصوصیتلر
| سیستئم | تیپ | نؤع | ایضاحات | اهالینین دیلی |
|---|---|---|---|---|
| ماکروسیستئم | اویکونیم | کند | ساده (قورولوشجا مرکب)، ائللیپتیک، جوغرافی نومئنسیز، بیرینجی نؤع تعیینی سؤز بیرلشمه‌سی | آذربایجان دیلی |
دئموقرافیا
- تصرفات: اکینچیلیک، مالدارلیق، فهله‌لیک و نقلیات.
- محصوللار: بوغدا، یونجا، آرپا، پاخلالی بیتکیلر.
- بیتکی اؤرتویو: یارپیز، ککلیک‌اوتو، بولاق‌اوتو، بویماده‌رن
- چؤل حیوانلاری: جاناوار، تولکو، دووشان، چاققال
- آبیده: پیر حاجی
- چایلار: آغمیان چایی
- قونشو کندلر: هیملاوار، ایمیشجه، دیوله‌سر
- سارابدا «آغمیان» آدلی ایکی کند واردیر.
- اردبیلین 17 کیلومئتر غربینده یئرله‌شیر. رزم‌آرایا55 اساسا 1330-جو ایله کیمی بورادا 1018 نفر یاشاییرمیش.
- صریح الملک: قریه «عموقین» که در اکثر قبالات سابقه «اموقین» مکتوبست.
- صفوه الصفا (ص. 307): عموقین.
- اردبیل لیواسی‌نین مفصل دفترینده آموغین/ آغمیان کیمی قیده آلیناراق کند حاققیندا آشاغیداکی معلومات وئریلمیشدیر: نفوس = 185 نفر، بوغدا = 16.25 تون، آرپا = 8.125 تون، داری = 3.25 تون، کوروشنه = 1.625 تون، نوخود و مرجیمک = 1.25 تون، بال = 75 کیلوقرام، ده‌ییرمان = 3 باب، داوار = 174 باش، یئکون وئرگی = 13700 آغچا
- شناسنامه روستایی اردبیل: نام قدیمی روستا: کندین دیگر آدلاری: اسکی آق میان، آغ سغان، آخمیان، عموقین. دو برادر بودند یکی در شمس آباد و یکی در این روستا بوده یک پسر داشتند که تقریبا از نظر ذهنی عقب مانده بوده روزی آن پسر با مادرش به اینجا می آمده و بعدا پسرش لحظه ای می پرسد که ایشان کی بود مادر درجوابش گفته ایشان عمو تودقین. یک جا میشود عمو قین.
شناسنامه روستایی اردبیلین قید ائتدیگی بیر آد «آغ سغان» دقتی جلب ائدیر. اگر بیزیم تعبیریمیزله اویکونیمین آدی آغ سغان/ آغ‌ساقان اولارسا، اوندا دئمک جنوب ساقلارینین آدی بو اویکونیمده قورونوب ساخلانیلمیشدیر.
اویکونیمین ائتیمولوگیاسی
آغ (جنوب)+ می (تایفا آدی)+ ان/این (تایفا بیلدیرن توپوفورمانت). دئمک آدین معناسی جنوبی «می» تایفاسینا عاید یاشاییش منطقه‌سی. ائتنواویکونیمدیر. مکمل فورماسی «آغمیان کندی»دیر.
