اروانا
اروانا Ərvana (اروانق)
اردبیل - مرکزی بخش - سرداوا دهیستانی - دهیستانین مرکزی: خوشکه‌ری
توپونیمیک خصوصیتلر
| سیستئم | تیپ | نؤع | ایضاحات | اهالینین دیلی |
|---|---|---|---|---|
| ماکروسیستئم | اویکونیم | کند | ساده، ائللیپتیک، جوغرافی نومئنسیز | آذربایجان دیلی |
دئموقرافیا
- تصرفات: اکینچیلیک، مالدارلیق، فهله‌لیک و نقلیات.
- محصوللار: بوغدا، یونجا، آرپا، پاخلالی بیتکیلر.
- بیتکی اؤرتویو: بابانک، ککلیک‌اوتو
- چؤل حیوانلاری: جاناوار، تولکو، دووشان، قارتال
- چایلار: دیوله چائی، کند چائی
- داغلار: ساوالان
- قونشو کندلر: کورد کندی، حسنعالی کندی و شالی کندی
- دماوندده بیر کندین آدی «اروانا»، قزوینده ایسه بیر کندین آدی «آروان»دیر. اوجاندا هوندورلویو 2933 مئتر اولان «اروانا» آدلی داغ واردیر.
- اردبیلین 19 کیلومئتر جنوب غربینده یئرله‌شیر. رزم‌آرایا53 اساسا 1330-جو ایله کیمی بورادا 313 نفر یاشاییرمیش.
- شناسنامه روستایی اردبیل: چون در زمانهای سابق این روستا محل اتراق شتر بوده به شتر اروانا می گفتند لذا به همین نام نامگذاری شده است.
- اردبیل لیواسی‌نین اردبیل ناحیه‌سی: اروانق نزد دویلق (اروانا دیوله‌نین یاخینلیغیندا) بوش بیر کند (خالی عن الرعایا). ایللیک وئرگیسی 1000 آغچادیر.
- صریح الملکده «ارونق» کیمی قیده آلینمیشدیر.
- قونیادا بیر کندین قاباقکی آدی «آروانا»دیر.
- آذربایجان توپونیملرینین ائنسیکلوپئدیک لوغتی:
یاردیملی رایونونون پئشته‌سر اراضی‌سینده بیر کندین آدی «آروانا»دیر. تالیش داغلارینین اته‌یینده یئرله‌شیر. 14-جو عصره عاید فضل الله ابن روزبئهان خونجی‌نین «تاریخ عالم آرای امینی» اثرینده آروانا داغی اورونیمی قیده آلینمیشدیر. آذربایجان دیلی‌نین دیالئکتلرینده آروانا «بوز دیشی دوه» دئمکدیر. بعضی تدقیقاتچیلارا گؤره آروانا ائتنوتوپونیم حساب ائدیلیر.
اویکونیمین ائتیمولوگیاسی
ائتنواویکونیمدیر. ایگید وان تایفاسینا عاید یاشاییش یئری، منطقه‌سی دئمکدیر. توپونیمین سونونداکی «آ» ایسه کیچیلدیجی توپوفورمانتدیر.
ار (ایگید، ائتنیک فرقلندیریجیسی)- وان/ بان (تایفا آدی)+ آ (کیچیلدیجی علامت). یازیلیش فورماسینداکی «ق» ایسه قدیم تورک دیللرینده سونو صائتله بیتن سؤزلره علاوه اولونان فونئمدیر. مقایسه ائت: دا/ داغ، اولو/ اولوغ، دره/ دره‌ق، بوتا/بودا/ بوداق، تایا/ تایاق/دایاق و س. ائتنواویکونیمدیر. مکمل آدی «اروانا کندی»دیر.
