دیجویجین
آذربایجان توپونیمیکاسی سایتیندان
ایچینده‌کیلر
دیجویجین dicvicin (دیجویجین)
اردبیل - مرکزی بخش - سرداوا دهیستانی - دهیستانین مرکزی: خوشکه‌ری
توپونیمیک خصوصیتلر
| سیستئم | تیپ | نؤع | ایضاحات | اهالینین دیلی |
|---|---|---|---|---|
| ماکروسیستئم | اویکونیم | کند | ساده، ائللیپتیک، جوغرافی نومئنسیز | آذربایجان دیلی |
دئموقرافیا
- تصرفات: اکینچیلیک، مالدارلیق، فهله‌لیک و نقلیات.
- محصوللار: بوغدا، یونجا، آرپا، پاخلالی بیتکیلر.
- بیتکی اؤرتویو: یشم، یارپیز، ریحان، ککلیک‌اوتو
- چؤل حیوانلاری: آیی، جاناوار، قابان، پلنگ، دووشان، کیرپی، تولکو
- داغلار: آغ‌داغ، قاراداغ، سه‌گرسر، داش باغی
- چایلار: دیز چایی
- آبیده: قالاباشی، (تخریب ائدیلیب اوزه‌رینده تیکینتی ایشلری آپاریلمیشدیر)، نصیر تپه‌سی، قالادیز
- بولاق: موختار بولاغی
- قونشو کندلر: ایمیشجه، خوشگه‌ری، باری، میرنی
- اردبیلین 10 کیلومئتر شیمال غربینده یئرله‌شیر. رزم‌آرایا69 اساسا 1330-جو ایله کیمی بورادا 1652 نفر یاشاییرمیش.
- صریح الملکده «دجوجین» شکلینده یازیلمیشدیر.
- اردبیل لیواسینین مفصل دفترینده «دیج‌بجین» شکلینده قیده آلینمیش و اونون حاققیندا آشاغیداکی علاوه معلوماتلار وئریلمیشدیر:
نفوس = 25 نفر، بوغدا = 3.75 تون، آرپا = 1.875 تون، داری = 0.75 تون، کوروشنه = 0.375 تون، نوخود و مرجیمک = 0.75 تون، بال = 120 کیلوقرام، داوار = 26 باش، یئکون وئرگی = 3600 آغچا
اویکونیمین ائتیمولوگیاسی
یئرلی اهالی و عمومیتله اردبیلده «دیژویژین» شکلینده تلفظ اولونور کی، بو دا «ج-ژ» کئچیدی نتیجه‌سینده میدانا گلیر. اونون «اردبیل لیواسی»نداکی واریانتینی و «و-ب» کئچیدینی نظره آلساق بئله بیر قناعته گله بیله‌ریک کی؛ دی/دیج+وی/ بی+جین. بو دا تایفا بیرلشمه‌سی اولان دیجویجینی عکس ائتدیریر. دئمه‌لی بو آد ائتنواویکونیمدیر. مکمل آدی «دیجویجین کندی»دیر.
