شاماکلار

شاماکلار Şamaklar آلبانیانین تورک دیللی تایفالاریندان‌ بیری ده شاماک‌لار اولموشدور. بو تایفانین آذربایجانا میلاددان قاباق گلدیگی گومان اولونور، چونکی بو تایفانین آدی ایله باغلی کئماخیا (شاماخی) شهری حاققیندا II عصرده پتولئمئی معلومات وئرمیشدیر. اگر شهر II عصرده وارسا، دئمه‌لی، تایفا داها اول‌لر گلمیشدیر.

شاماخی شهری‌نین آدی‌نین شاماکئ تایفا آدیندان اولدوغو معین ائدیلمیشدیر (یانلیش اولا‌راق اکثرا عرب منشالی سؤز کیمی ایضاح اولونور). هله I عصرده ایلک دفعه پلینی «کاماک» تایفاسی‌نین آدینی چکمیشدیر (یونان و لاتین دیل‌لرینده «ش» سسی اولمادیغیندان همین سس «ک» و یا «س» ایله وئریلیر) شاماکئ/کئماکئ کیمی قید اولونان بو تایفانین آدی V-VII عصر ائرمنی منبع‌لرینده «ایژماخ»، «ایژئماخ» کیمی قید اولونموشدور. شاماک‌لار ساک‌لارین بیر قولو ساییلیر. بونلار اورتا آسیادا دا گئنیش یاییلمیشدیلار. قازاخ‌لاردا شوماکئی، قاراقالپاک‌لاردا شاماک، تورکمن‌لرده شاماک، قیرغیزلاردا شاماکئ، شاماکا آدلی تایفا‌لارین ایندی ده مؤوجود اولدوغو معین ائدیلمیشدیر. ائرکن اورتا عصرلرده ایران آذربایجانی اراضی‌سینده «شیماکی» آدلی یاشاییش منطقه‌سی ده اولموشدور.