کنگرلر
کنگرلر Kəngərlər – قدیم تورک منشالی کنگرلر پئچئنئق‌لرین بیر حصه‌سی حساب اولونور. منبع‌لرین وئردیگی معلوماتا گؤره اونلار میلادین اوللرینده هونلارین ترکیبینده جنوبی قافقاز اراضی‌سینه گلمیش، اساسا ناخچیواندا و آذربایجانین غربینده مسکونلاشمیشلار. V عصره عاید اولان منبعه گؤره کنگرلی تایفاسی غربی آذربایجانداکی (ایندیکی ائرمنیستان) کنگر داغلاری اطرافیندان کور وادی‌سینه، کنگر ایالتینه گلمیشلر.
VII عصر منبعینده آذربایجانین گورجوستانلا سرحدینده (ایبئریادا İberiyada) ده کنگر ایالتی‌نین آدی چکیلیر. ائرکن اورتا عصرلرده همین اراضی‌لرده یاشایان قازاخلارین تایفا بیرلیگینه کنگرلی تیره‌سی ده داخیل ایدی. کنگرلرین بیر حصه‌سی هله تا قدیمدن ناخچیوان زوناسیندا یاشامیشدیر. ائرکن اورتا عصر منبع‌لرینده کنگر ماحالی حاققیندا معلوماتلار وار. اورتا عصرلرده کنگرلیلر داها چوخ مستقل‌لیکلرینی و ائتنیک منسوبیت‌لرینی ناخچیواندا قورویوب ساخلایا بیلمیشلر. آذربایجانین مختلف زونالاریندا یاییلمیش کنگر ائتنونیمی ایله باغلی توپونیم‌لر اساسا محض بو زونادا یاشایان کنگرلیلرله باغلیدیر1. کنگرلیلرین مختلیف اراضی‌لرده مسکونلاشماسی بیر چوخ ده‌یرلی منبع‌لردن معلومدور. او دا بللی‌دیر کی، قاراباغ خانی پناهعلی خان جاوانشیر (59 – 1749) ناخچیواندا کنگرلیلرین XIX عصرین اوللرینده بیر قولو قیزیللی آدلانیردی.
