ساوالان

ساوالان

ساوالان داغی سؤنموش بیر وولکان، آذربایجانین ان بؤیوک داغی و ایران جوغرافیاسیندا اوچونجو ان اوجا داغ دیر.

ساوالان سؤزونون ائتیمولوگیاسی

ساوالان سؤزونون یاییلما دائره‌سی حاققیندا نمونه‌لر: تبریز ایالتینده «ساوالان» آدلی اویکونیم، ساققیز شه‌هرینده «ساوالان» کندی، ساووجبولاقدا «ساوان (ساوالان) کندی، سنندجده «ساوجی» (جی منسوبیت شکیلچیسی) کندی، ساوادا «ساوا» (کیچیک ساو/ ساب تایفاسی) کندی. سایین‌قالادا «سابلاخ» داغی، زنگاندا «ساوالان» داغی، ساوادا «سیالا» داغی، باغ‌ملیکده «سه‌به‌لک» داغی.

بئله‌لیکله اورونیمین اساسیندا «سی» تایفاسی دورور. یعنی، سی+ اوب/ اوو/ آو+ ائل/ آل+ آن. آذربایجاندا بو تایفانین شخص آدلارینا چئوریلمه‌سی («سیابه‌ییم- قادین آدی، سیاب کیشی آدی») بو اورونیمین ائتنونیم اولدوغونا اینامی آرتیریر. دئمه‌لی «ساوالان/ سابالان» سی تایفاسینا عاید داغ دئمکدیر. آذربایجان دیلینده ب-و کئچیدینی، هابئله فارس دیلینده Ə فونئمینه مئیلی (کالسیوم= کلسیوم، فاکس= فکس، آزوت= ازوت و س.) نظره آلدیقدا «سابالان»ین «سبلان» دئییلمه‌سینی اساسلاندیریر.