قارامانلار
قارامانلار QARAMAN – قارامانلیلار 2000 مین چادیردان عبارت اولان بیر تایفا کیمی XI عصرده سلجوق سلطانی توغرول به‌یین دؤورونده آنادولویا، آذربایجانا و باشقا اراضی‌لره گلمیشلر. XVعصرین سونوندا بو تایفا شاه اسماعیل ختایی‌نین طرفیندن قیزیلباشلارین ترکیبینه قارامان آدی ایله داخیل اولموشدور. منبع‌لره گؤره قارامان خوراساندان گلمیش نورالدین صوفی آدلی بیر تورکمن شیخی‌نین اوغلودور.... قارامان سؤزو «قار آدام» آنلامیندادیر. منشا اعتباری ایله قدیم قارامان تورک تایفاسی‌نین «قارا»، «وارساق»، «ایسا»، «کوسون KOSUN»، «قیشته‌میر QIŞTƏMİR» و س. تیره و قوللاری دا اولموشدور. اساسا کیچیک آسیادا یاشایان قارامانلیلار تورک تایفاسی بعضی منبع‌لره گؤره XIII عصرین بیرینجی یاریسیندان باشلایاراق آذربایجانا گلمیشلر. قاراقویونلو قارا یوسیفین قوشون باشچیسی‌نین آدی دا قارامان اولوب. صفوی اوردوسوندا قارامانلی تایفا به‌یلری ده اولموشدور.
اورالدا، ولقابویوندا، شیمالی قافقازدا، اورتا آسیادا قارامان ائتنونیمی ایله باغلی چوخلو سایدا توپونیم‌لرین قیده آلینماسی اونلارین بیر حصه‌سینین شیمالدان گلدیگینی گؤسته‌ریر. قارامان قدیم تورک تایفاسی‌نین آدی ایله باغلی تورکیه‌ده ایراندا، اورتا آسیا جمهوریتلرینده چوخلو سایدا جغرافی آدلارا راست گلیریک.
