قوزانلار
قوزانلار(کوزان) Quzan (Kuzan) – قدیم تورک منشالی تایفادیر. کوزانلار VI عصرده آلتایدان جنوبی آوروپایا قدر گئنیش اراضی‌نی احاطه ائدن تورک خالقلاری‌نین اساسینی قویان تایفالارداندیر. منبع‌لرده اونلارین آدلاری کوزئن Kuzen کیمی ده چکیلمیشدیر. V – VII عصرلرده اونلار جنوب غرب سرحدی دربنده قدر اوزانان غربی تورک خاقانلیغی اراضی‌لرینده یاشامیشلار. داغلیق آلتایدا توبا Tuba تایفاسی‌نین بیر قولو ایندی ده کوزئن آدلانیر.
1953جو ایل تاریخلی معلوماتا گؤره قوزانلی تایفاسی برده ماحالی‌نین «سیر» ناحیه‌سینده یاشامیشدیر. چوخ گومان کی، حتی XIX عصرده میل دوزونده، بئیله‌قان شهری‌نین یاخینلیغیندا آدی چکیلن Kizan قالاسی‌نین آدی دا کوزان تایفاسی ایله باغلی اولموشدور. معلومدور کی، «دده قورقود» داستانلاریندا قوزان/قازان شخص آدی کیمی ده وئریلمیشدیر...
1728جی ایلده سیاهیا آلینمیش سندده ایروان ایالتی‌نین کاربی ناحیه‌سینده کوزانلو کندی‌نین ده آدی چکیلمیشدیر. قارص ایالتی‌نین کاقیزمان دایره‌سینده کوزان ماحالی دا وار. تاریخی معلوماتلاردان آیدین اولور کی، قوزانلی تورک تایفاسی قاراباغدا اوزون عصرلردیر کی، مسکونلاشمیشلار. واختی ایله تیفلیس قوبئرنیاسی‌نین بورچالی قضاسیندا (ایندی شمس‌الدین رایونو) قوزان قیشلاغی دا اولوب...
بعضی آراشدیریجیلار قوزان توپونیمی‌نین بیرینجی حصه‌سینین اوغوز تورک تایفاسی‌نین آدینی عکس ائتدیرن قوز ائتنونیمی ایله علاقه‌لندیریر. عرب دیلینده اوغوز ائتنونیمی قوز (غوز) فورماسیندا ایشله‌نیر.
