سو تایفاسی
سو تایفاسی Su تاریخی آذربایجان اراضی‌سینده مؤوجود اولموش ایلکین ائتنو- سیاسی بیرلیک‌لردن بیریدیر.
میلاددان اؤنجه IIIمین ایللیگین سونوندا چیو‌لی یازیلاردا اورمیا گؤلو بؤلگه‌سینده «سو آدام‌لارین اؤلکه‌سی» باره‌ده ده دانیشیلیر. سو تایفا‌لاری میلاددان اول XXI یوز ایلین ایکینجی یاریسیندا مئسوپوتومیادا (چای آراسیندا) حاکمیتده اولموش III اور سولاله‌سیندن آسیلی ایدی. بونو چیو‌لی یازیلاردا لاقاچش جانیشینی اوردوننانین سو خالقی‌نین ائنسی‌سی اولا‌راق تقدیم ائدیلمه‌سی فاکتی دا تصدیق ائدیر. سو تایفا‌لاری میلاددان قاباق 2003- جو ایلده ائلام‌لی‌لارلا بیرلیکده IIIاور سولاله‌سینه قارشی حربی هجوموندا و بونون نتیجه‌سینده همین سولاله‌نین سقوطوندا دا اشتراک ائتمیشدیلر.
قدیم مئسوپوتومیا قایناقلاریندا سو تایفا آدی بیر چوخ حالدا سوبار، سوبیر، سوبی سوزو ایله عینی‌لشدیریلیر. حتی آسسوریا چاری II سارقونون دا یازیلاریندا اونلار باره‌ده معین معلومات‌لار وئریلیر و بیلدیریلیر کی، «… اورارتو انسانلاری سوبی اؤلکه‌سی‌نین اهالی‌سینی ماننالی آدلاندیریرلار». بو ایسه اؤز نؤوبه‌سینده میلاددان قاباق VIII عصرده یارانمیش آذربایجان- ماننا دؤولتی‌نین بو و یا دیگر معنادا سو تایفا‌لاری ایله معین ائتنیک باغلی‌لیقلاری اولدوغونو گؤسترمکده‌دیر.
