کمرلی
ایچینده‌کیلر
کمرلی Kəmərli (کمرلی)
اردبیل - مرکزی بخش - سرداوا دهیستانی - دهیستانین مرکزی: خوشکه‌ری
توپونیمیک خصوصیتلر
| سیستئم | تیپ | نؤع | ایضاحات | اهالینین دیلی |
|---|---|---|---|---|
| ماکروسیستئم | اویکونیم | کند | ساده، ائللیپتیک، جوغرافی نومئنسیز | آذربایجان دیلی |
دئموقرافیا
مزرعه‌دیر صریح الملکده کرله و کمرله کیمی قیده آلینمیشدیر.
آذربایجان توپونیملرینین ائنسیکلوپئدیک لوغتی
قازاخ رایونوندا، گنجه‌چایین ساحلینده و داغلیق اراضیده یئرله‌شن بیر کندین آدی «کمرلی»دیر. یاشاییش منطقه‌سی قازاخ تایفا اتفاقینا داخل اولان کمرلی تایفاسینین مسکونلاشماسی نتیجه‌سینده یارانمیشدیر. منشا اعتباریله قیپچاق تایفالاریندان اولان کمرلی‌لرین آدینا ایرانداکی «قاشقای»لارین ترکیبینده، ائرمنیستان و تورکیه توپونیملرینده ده راست گلمک ممکندور. تدقیقاتچیلار «کمرلی» ائتنونیمینی منشاجه میلاددان قاباق 7-جی عصرده جنوبی قافقازا گلمیش کیمئری‌لرله ده علاقه‌لندیریرلر.
داش‌کسن رایونوندا، زئیلیک کندیندن جنوبدا یئرله‌شن «کمرلی» آدلانان بیر داغ دا واردیر. «کمرداغ» و «کمرقایا» واریانتلاریندا دا قیده آلینمیشدیر. ائتنواورونیمدیر. قورولوشجا ساده توپونیمدیر. جوغرافی نومئنسیزدیر. مکمل آدی«کمرلی داغی»دیر. «کمر» تورک (آذربایجان تایفالاریندان بیریدیر. بو تایفانین دا اصلی قام / کام / شام تایفاسی اولوب سونرالار ایسه، اؤز تکامل پروسئسینده «ار» توپوکومپونئنتینی قبول ائتمکله «کامار / کمر / قمر» فورماسینا دوشه‌رک مستقل بیر تایفا کیمی چیخیش ائتمیشدیر. آذربایجاندا گئنیش یاییلان ائتنوسلارداندیر. دئمه‌لی «کمر» + لی (منسوبیت بیلدیرن توپوفورمانت). بو ائتنواویکونیم کمر تایفاسینین یاشاییش یئری معناسینی ایفاده ائدیر.
غربی آذربایجانین تورک منشالی توپونیملری
ایروان قوبئرنیاسی‌نین آلئکسادروپول قضاسیندا، ایندیکی «حاماملی» (اسپیتاک) رایونوندا بیر داغین آدی «کمرلی»دیر. رایونداکی «قورسالی» کندینین اراضی‌سینده یئرله‌شیر. بو اورونیم کیممئر(کمر) ائتنونیمینه منسوبلوق بیلدیرن –لی شکیلچیسی‌نین قوشولماسی یولو ایله عمله گلمیشدیر. ائتنواورونیمدیر.
ایروان قوبئرنیاسی‌نین ایروان قضاسیندا، ایندی قمرلی (آرتاشات) رایونوندا بیر یاشاییش منطقه‌سینین آدی «قمرلی»دیر. بو منطقه‌نین او بیری آدی «تاتار قمرلیسی» اولموشدور. 1930-جو ایله قدر کند، سونرا قصبه، 1961-جی ایلدن شه‌هردیر.
1930-جو ایل سئپتامبرین دوققوزوندا یارادیلان قمرلی رایونونون آدی و رایون مرکزی اولموشدور. ایرواندان 283 کیلومئتر جنوب- شرقده یئرله‌شیر. قافقازین 5 وئرستلیک خریطه‌سینده قید ائدیلمیشدیر.
بورادا 1831-جی ایلده 167 نفر، 1873-جو ایلده 563 نفر، 1886-جی ایلده 668 نفر، 1897-جی ایلده 757 نفر، 1914-جو ایلده 957 نفر، 1916-جی ایلده 903 نفر آذربایجانلی یاشامیشدیر. 1918-جی ایلین فئوریه آییندا آذربایجانلیلار ائرمنی سوی قیریمینا معروض قالاراق کنددن چیخاریلمیشدیر. ایندیکی ائرمنیستاندا شورا حؤکومتی قورولاندان سونرا ساغ قالان آذربایجانلیلار اؤز ائوینه دؤنه بیلمیشدیر. بورادا 1922-جی ایلده 126 نفر، 1926-جی ایلده 248 نفر، 1931-جی ایلده 267 نفر آذربایجانلی یاشامیشدیر. شوروی دؤولتی‌نین خصوصی قراری ایله 1948-53-جو ایللرده آذربایجانلیلار تاریخی ائتنیک تورپاقلاریندان قوولاراق آذربایجانا کؤچورولموشدور. ایندی یالنیز ائرمنی‌لر یاشاییر.
توپونیم قدیم کیممئر تایفاسینین آدی اساسیندا عمله گلن قمرلی ائتنونیمیندن عمله گلیب «کیممئرلرین/ قمرلی تایفاسینین یاشادیغی یئر» معناسی وئریر. ائتنواویکونیمدیر. قورولوشجا ساده توپونیمدیر. شوروی ائرمنیستان دؤولتی‌نین 4/9/1945-جی ایل فرمانی ایله کندین و رایونون آدی آرتاشات قویولموشدور.
ایروان قوبئرنیاسی‌نین ائچمیادزین قضاسیندا، ایندی اوچ کیلسه (ائچمیادزین) رایونوندا بیر کندین آدی «قمرلی»دیر. رایون مرکزیندن 8 کیلومئتر جنوبدا، بؤیوک قاراسو چایی‌نین یانیندا یئرله‌شیر. قافقازین 5 وئرستلیک خریطه‌سینده قید ائدیلمیشدیر. کندین او بیری آدی «گؤزلو قمرلی» اولموشدور. کندده 1831-جی ایلده 127 نفر، 1873-جو ایلده 295 نفر، 1886-جی ایلده 347 نفر، 1897-جی ایلده 408 نفر، 1904-جو ایلده 411 نفر، 1914-جو ایلده 436 نفر، 1916-جی ایلده 425 نفر آذربایجانلی یاشامیشدیر. 1918-جی ایلده کند ائرمنی تجاوزونه معروض قالاراق ساکین‌لری آذربایجانلیلار تاریخی ائتنیک تورپاقلاریندان قوولموش و تورکیه‌دن کؤچورولن ائرمنی‌لر بورادا یئرله‌شدیریلمیشدیر. ایندی ائرمنی‌لر یاشاییر. توپونیم قمر (آنتیک منبع‌لرده کیممئر) تورک تایفا آدینا منسوبلوق بیلدیرن –لی شکیلچیسی‌نین آرتیریلماسی ایله عمله گلیب «قمر تایفاسینین یاشادیغی یئر/ /کند» معناسینی بیلدیریر. ائتنواویکونیمدیر. قورولوشجا ساده توپونیمدیر. شوروی ائرمنیستان حؤکومتی‌نین 15/7/1946-جی ایل فرمانی ایله آدی دگیشدیریلیب مئتسامور قویولموشدور.
ارزوروم، گرئسون، ماردین، سیرت (2 کند)، ترابزون شه‌هرلرینده 6 کندین آدی «کمرلی»دیر.
