آبدال تایفاسی
ائتیمولوژی و ائتنولوژی قیدلر
آبدال تایفاسی ABDAL- سوریالی تاریخچی زاخاری ریتور Zaxari Ritor (VI عصر) شیمالی قافقازدا، هون ایالتینده یاشایان مختلف تایفالار آراسیندا تورک دیللی آبدئل Abdel تایفاسینین دا آدینی چکیر. آکادئمیک و. و. بارتولد آبادئل/ آبدال تایفاسینی هون تایفاسی حساب ائدیر. قازاخلاردا، قاراقالپاقلاردا، تورکمن‌لرده ده آبدال آدلی تایفا قئیده آلینمیشدیر. آبدال تورک تایفاسینین آذربایجانا گلمه واختی علمه دقیق معلوم دئییلدیر. منبع‌لرده هئفتال، هئپتال، آبادئل، ائبتال کیمی قید اولونان بو ائتنونیم‌لر آبدال آدی‌نین مختلف واریانتلی فونئتیک فورمالاریدیر.
گؤرکملی آلبان تاریخچیسی موسا کالانکاتلی دا آلبانیا اراضی‌سینده یاشایان آبدال تایفاسینین آدینی چکمیشدیر. اونون معلوماتینا گؤره هئپتال‌لار (آبداللار) میلاددان اؤنجه IV عصرده بورایا ماکئدونیالی اسگندرین زامانیندا کؤچورولموشلر. عمومیتله علمی جهتدن تام اساسلاندیریلمیشدیر کی، آبدال تایفاسینین قافقاز آلبانیاسیندا یاشاماسی ائرامیزدان چوخ – چوخ اوللره گئدیب چیخیر. ع. آ. باکیخانوف آذربایجاندا یاشایان قدیم تایفالار سیراسیندا آبدال تایفاسینین دا آدینی چکیر...
ائله ایندی‌نین اؤزونده آذربایجاندا اولدوغو کیمی قازاخیستاندا، باشقیردیستاندا، تورکمنیستاندا، گورجوستاندا، افقانیستاندا، تورکیه‌ده، قیرغیزیستاندا و اؤزبکیستاندا (قاراقالپاق مختار ولایتی) دا آبدال تایفاسی ایله باغلی چوخلو سایدا اویکونیم، هیدرونیم و اورونیم مؤوجوددور. دئمه‌لی بو اراضی‌لرده ده آبدال آدلی تایفا یاشاییر. آبدال تایفاسینین منشا اعتباری ایله واختی ایله اساسا اورتا آسیادا مؤوجود اولموش ائفتال دؤولتی‌نین آدی ایله ده علاقه‌لندیریرلر. دؤولتین باشچیسی ائپتالین آدی ایله آدلانان بو دؤولت V-IV عصرلرده اورتا آسیا، چین، تورکوستان و افقانیستانی احاطه ائدیردی. غربی تورک خاقانلیغی بو دؤولتین وارلیغینا سون قویدوقدان سونرا آبداللار مختلیف اؤلکه‌لرین اراضی‌سینه کؤچ ائتمیشلر. واختی ایله جنوب شرقی آوروپادا یاشایان بولقارلارین آبدال آدلی بیر تایفاسی دا مؤوجود اولموشدور...
1588 جی ایله عاید تاریخی منبع‌ده قاراباغ دوزونده حسن آبداللی ائلی‌نین یاشادیغی گؤستریلیر. توپونیمیامیزدا بیر قروپ اوروقرافیک اوبیئکت‌لر (اشیالار) قبیله، تایفا، ائتنیک قروپ خالق و نسیل آدلارینی اؤزونده عکس ائتدیریر. بئله ائتنوتوپونیم‌لرین منشایی‌نین ایضاح ائدیلمه‌سی ایله بیز بیر نؤع قدیم آذربایجان اهالیسی‌نین ائتنیک ترکیبینی، اونون تاریخینی، آذربایجان خالقی‌نین سوی – کؤکونو اؤیرنمیش اولوروق.
