اوزون‌بینه
اوزون بینه Uzun Binə (اوزون بنه)
اردبیل - مرکزی بخش - سرداوا دهیستانی - دهیستانین مرکزی: خوشکه‌ری
توپونیمیک خصوصیتلر
| سیستئم | تیپ | نؤع | ایضاحات | اهالینین دیلی |
|---|---|---|---|---|
| ماکروسیستئم | اویکونیم | کند | ساده (قورولوشجا مرکب)، بیرینجی نؤع تعیینی سؤز بیرلشمه‌سی ائللیپتیک، جوغرافی نومئنسیز | آذربایجان دیلی |
دئموقرافیا
حال حاضیردا مزرعه‌دیر. یالنیز 1370-جی آمارا اساسا 162 نفر، 22 عائله اولاراق قیسا مدتده بورادا یاشامیشدیر.
- بیتکی اؤرتویو: یئملیک اوتلاردان علاوه گؤوزابان، ککلیک‌اوتو، بنؤوشه، شووه‌رن، یارپیز، گوه‌ن.
- چؤل حیوانلاری: جاناوار، چاققال، تولکو، دووشان.
- غربی آذربایجانین تورک منشالی توپونیملری:
ایروان قوبئرنیاسی‌نین ائچمیادزین قضاسیندا، ایندی سردارآباد (اوکتئمبئریان) رایونوندا بیر کندین آدی «اوزون اوبا»دیر. رایون مرکزیندن 10 کیلومئتر جنوب شرقده، «آراز» چایی‌نین سول ساحلینده یئرله‌شیر. 1728-جی ایل تاریخده ترتیب ائدیلمیش «ایروان ایالتی‌نین اجمال دفتری»نده و قافقازین 5 وئرست‌لیک خریطه‌سینده قید ائدیلمیشدیر.
توپونیم آذربایجان دیلینده «بؤیوک، گئنیش کند» معناسینی ایفاده ائدیر. «اوبا» سؤزو تورک دیلینده «تایفا»، «کؤچ عائله‌سی»، «تایفانین یاشادیغی یئر» معناسیندا ایشله‌نیر. رئلیئفله باغلی یارانان توپونیمدیر. قورولوشجا مرکب توپونیمدیر. ائرمنیستان شوروی حؤکومتی‌نین 10/4/1947-جی ایل فرمانی ایله دگیشدیریله‌رک «آرقاواند» قویولموشدور.
ایروان قوبئرنیاسی‌نین یئنی بایزید قضاسیندا، ایندیکی چمبه‌رک/ çəmbərək (کراسنوسئلو) «اوزون دره» آدلی بیر دره واردیر. رایونون «توخلوجا» کندی‌نین شرقینده یئرله‌شیر. اورونیم آذربایجان دیلینده «گئنیش» معناسیندا ایشله‌نن اوزون سؤزو ایله، «ایکی داغ و یا تپه آراسیندا دوزنلیکده اوزون، درین چوخور» معناسیندا ایشله‌نن دره سؤزونون بیرلشمه‌سیندن یارانمیشدیر. رئلیئف اساسیندا یارانان مرکب قورولوشلو اورونیمدیر.
اوزون تالا آدلی بیر کند ده گنجه قوبئرنیاسی‌نین قازاخ قضاسیندا، ایندی کاروانسارای (ایجئوان) رایونوندا یئرله‌شیر. رایون مرکزیندن 22 کیلومئتر مسافه‌ده‌دیر.
توپونیم آذربایجان دیلینده «بؤیوک، گئنیش» معناسیندا ایشله‌نن اوزون سؤزو ایله «مئشه اورتاسیندا آچیقلیق یئر» معناسیندا ایشله‌نن «تالا» سؤزونون بیرلشمه‌سیندن عمله گلمیشدیر. رئلیئفله باغلی یارانان مرکب قورولوشلو توپونیمدیر. ائرمنیستان شوروی حؤکومتی‌نین 25/5/1967-جی ایل فرمانی ایله کندین آدی دگیشدیریلیب «اونوت/onut»، 12/2/1969-جو ایل فرمانی ایله یئنیدن دگیشدیریلیب «آیگئهوویت/ aygehovit قویولموشدور.
تورکیه‌نین «آدی‌یامان»، «ایزمیر»، «ماردین»، «ریزه» و «تووقات» شه‌هرلرینده «اوزون‌کؤی» آدلی کندلر واردیر.
