باهارلی تایفاسی
باهارلی تایفاسی BAHARLI– باهارلیلار اورتا عصرلرده اوغوزلارین ترکیبینده اورتا آسیادان یاخین شرقه و آذربایجانا گلمیش تورک دیللی تایفادیر. باهارلی ائتنیک تئرمینی‌نه ایلک دفعه XV عصره عاید ماخذلرده تصادف ائدیلیر. باهارلیلار قاراقویونلو تایفا اتفاقیندا و قاراقویونلو دؤولتینده حاکم مؤقع توتموشلار. قاراقویونلولارین سقوطوندان سونرا باهارلیلار آغ‌قویونلولارا تابع اولماق ایسته‌مه‌یه‌رک خوراسانا گئدیب تیموریلره سیغینمیشدیلار. 1478جی ایلده اوزون حسنین اؤلوموندن سونرا اونلارین قاراقویونلو دؤولتی‌نی برپا ائتمک تشبثو نتیجه وئرمه‌میشدیر. باهارلیلارین بیر حصه‌سی بؤیوک مونقول ایمپئراتورو بابورا (1529 – 1483) قوشولاراق هیندیستانا گئتمیش، اورادا قطب‌شاهی‌لر دؤولتی‌نی یاراتمیشلار. دیگر قیسمی ایسه خوراساندا قالیب، صفویلر دؤورونده ایرانین سیاسی حیاتیندا فعاللیق گؤسترمیشلر.
منبع‌لرده جلاییر تورک‌لرینه منسوب اولان باهارلی قبیله‌سی آدینا دا راست گلیریک.
باهارلیلارXV عصرده قیزیلباش تایفالاریندان بیری کیمی صفوی‌لرین حاکیمیته گلمه‌سینه حربی قوه ایله یاردیم ائتمیشلر. بونا گؤره ده صفوی شاهلاری آذربایجاندا و ائرمنیستاندا بو تایفایا اراضی‌لر وئرمیشلر.
