برگوشاد تایفاسی

برگوشاد تایفاسی BƏRGÜŞAD قاراچورلو تورک تایفاسینا عایددیر. ائتنونیمین بیرینجی توپوحصه‌سی اولان برگو سؤزو قدیم تورک منشالی برق Bərq (بارق Barq)1 تایفاسینین آدیدیر. تاریخدن معلومدور کی، مونقول حؤکمداری چینگیزخانین اوغلو جوجی 1207جی ایلده غربه دوغرو یوروشو زامانی باشقا تایفالارلا یاناشی برگو Bərgü تایفاسینین دا تورپاقلارینی توتموشدور.

مشهور ایران سالنامه‌چیسی فخرالدین مبارک شاه (XII عصر) 58 تورک تایفاسی آراسیندا برگو تایفاسی‌نین دا آدینی چکمیشدیر. فضل‌الله رشیدالدین ( XIII عصر) بو ائتنونیمی برگوت (برگولر) کیمی قیده آلمیشدیر. بیر چوخ تدقیقاتچیلارین فیکرینجه، برگولر مونقول ایشغالیندان خیلی اول آذربایجاندا مسکونلاشمیشلار.

ایکینجی توپوحصه، شاد (شات) سؤزو مختلیف معنالار - «سئوینج»، «شادلیق»، «مسکن»، «چئویک» و س. ایفاده ائدیر.

XVI عصره عاید بیر منبع‌ده گؤستریلیر کی، برگوشاد تایفاسی قیزیلباش تایفالاریندان بیری اولموشدور. اورتا عصرلرده اونلار زنگه‌زوردا یاشامیش صوفولو تایفاسی ایله برابر منشاجه کنگر تایفا بیرلشمه‌سینه منسوب اولموشدور.