تاغدیزه
ایچینده‌کیلر
تاغدیزه Tağdizə (تقی دیزج)
اردبیل - مرکزی بخش - شرقی ارشه دهیستانی - دهیستانین مرکزی: تاغدیزه
توپونیمیک خصوصیتلر
| سیستئم | تیپ | نؤع | ایضاحات | اهالینین دیلی |
|---|---|---|---|---|
| ماکروسیستئم | اویکونیم | کند | ساده (قورولوشجا مرکب)، ائللیپتیک، جوغرافی نومئنسیز | آذربایجان دیلی |
دئموقرافیا
- تصرفات: اکینچیلیک و مالدارلیق، باغچیلیق، خالچاچیلیق و فهله‌لیک.
- محصوللار: بوغدا، آرپا، آرمود، آلما، پاخلالی بیتکیلر.
- بیتکی اؤرتویو: یئملیک اوتلاردان علاوه گول‌ختمی، قاری آلاغی (قیچ آغریسی)، شیرین‌بیان، چاییر، ککلیک‌اوتو، شووه‌رن
- چؤل حیوانلاری: جاناوار، چاققال، باغری‌قارا، تولکو، دووشان، ککلیک.
- داغلار: قیزیل‌بولاق داغی، قاراتپه داغی، تک‌قایا داغی، شینگان داغی، کور داغی، ممدبه‌ی داغی، قوروق داغی
- چایلار: چای، نجی چایی، مزره چایی
- آرخلار: شور126دره آرخی، سیناغیل آرخی، باب‌الله آرخی
- تپه‌لر: قاراقوزئی، پئشته، سیناغیل
- کؤوشنلر: نوری یئری، قاراقوزئی، سیناغیل اوستو
- قونشو کندلر: بایرام‌بدن، لورون، سئییدلر، قیلینج قیشلاغی، چات‌قایا
- آبیده: اوجاق
- شرقی ارشق دهیستانینین مرکزی، مئشکین پارس آباد یولونا یاخیندیر. اردبیلین 25 کیلومئتر شیمال شرقینده یئرله‌شیر. رزم‌آرایا127 اساسا 1330-جو ایله کیمی بورادا 962 نفر یاشاییرمیش.
- شناسنامه روستایی استان اردبیل:
«تقی دیزج یا تقی دیزه در کتاب معین نوشته شده یعنی اسبی است که از اول یال تا موی دمش به اندازه ده سانت سفید می باشد و به نام تقی دیزج معروف شده است که فردی در آن قریه از این اسب نگهداری می کرده است. «دیزه» در معنی (جای تپه مانندی که دارای آب است) و (زمین مسطح برای کشت) معنی شده است. و «دیزج» در معنی (اسبی که رنگ اصلی اش سیاه باشد یا رنگ غیر خالص) بکار رفته است. بدین ترتیب (تقی دیزه) یعنی مکان بلند و دارای آبی که متعلق به تقی است».
- غربی آذربایجانین تورک منشالی توپونیملری:
گنجه قوبئرنیاسی‌نین زنگه‌زور(zəngəzur) قضاسیندا ایندیکی آغری اراضی‌سینده بیر کندین آدی «تاغ‌امیر»دیر. بو کند رایون مرکزیندن 16-18 کیلومئتر شیمال غربده یئرله‌شیر. کندده 1831-جی ایلده 19 نفر، 1873-جو ایلده 74 نفر، 1886-جی ایلده 129 نفر، 1897-جی ایلده 163 نفر، 1904-جو ایلده 194 نفر، 1914-جو ایلده 255 نفر، آذربایجانلی یاشامیشدیر. 1918-جی ایلده کند ائرمنی تجاوزونه معروض قالمیش، ساکن‌لری کنددن چیخاریلمیشدیر. ایندیکی ائرمنیستاندا سووئت حؤکومتی قورولاندان سونرا ساغ قالانلار تاریخی تورپاغینا قاییدا بیلمیشدیر. بورادا 1922-جی ایلده 36، 1926-جی ایلده 43 نفر، 1931-جی ایلده 51 آذربایجانلی یاشامیشدیر. کوللئکتیولشمه ایله باغلی ساکن‌لری 1930-جو ایللرین آخیرلاریندا قونشو کندلره کؤچوروله‌رک کند لغو ائدیلمیشدیر. ایندی خارابا کنددیر. توپونیم تورک دیلینده «داغ» معناسیندا ایشله‌نن تاق/تاغ سؤزو ایله «امیر» شخص آدی اساسیندا عمله گلمیشدیر. «امیر داغی یاخینلیغیندا کند» معناسیندادیر. آنتروپوتوپونیم‌دیر. قورولوشجا مرکب توپونیم‌دیر.
اویکونیمین ائتیمولوگیاسی
تاغ «داغ» سؤزونون مختلف تلفظ واریانتیدیر. داغ سؤزونون دیگر معنالاری «مؤحکم، سارسیلماز، آلینماز»دیر. «دیز» ایسه قالا دئمکدیر. اونا کیچیلدیجی «ه» فونئمی آرتیریلمیشدیر. بئله‌لیکله «تاغدیزه» مؤحکم و آلینماز کیچیک قالا دئمکدیر. مکمل آدی «تاغدیزه کندی»دیر. یئرلی و اطراف کندلرین اهالیسی بو آدی تاغدیجه تلفظ ائدیر کی، ج-ز کئچیدینی نظره آلدیقدا طبیعی حساب ائدیلیر.
