خارابا کؤهول
ایچیندهکیلر
خارابا کؤهول Xaraba Köhül (خرابه کهل)
اردبیل - مرکزی بخش - بالیقلی دهیستانی - دهیستانین مرکزی: شاماسبی
توپونیمیک خصوصیتلر
سیستئم | تیپ | نؤع | ایضاحات | اهالینین دیلی |
---|---|---|---|---|
ماکروسیستئم | اویکونیم | کند | مرکب، ائللیپتیک، جوغرافی نومئنسیز، بیرینجی تعیینی سؤز بیرلشمهسی | آذربایجان دیلی |
دئموقرافیا
- تصرفات: اکینچیلیک، مالدارلیق، فهلهلیک و نقلیات.
- محصوللار: بوغدا، یونجا، آرپا، پاخلالی بیتکیلر.
- بیتکی اؤرتویو: بویمادهرن، ککلیکاوتو، گولختمی، بوزووشا *چؤل حیوانلاری: جاناوار، چاققال، تولکو، دووشان.
- داغلار: هاچا داغی، قیزیلداغ، اوجاق داغی
- چایلار: بالیقلی
- قونشو کندلر: قاسیمقیشلاغی، آلماس، حکیمقیشلاغی و اوروشنه
- آبیده: اوجاق داغی
- مرند، ماراغا، اورمیا، بیجار و هئروآباددا بیر کندین آدی «کؤهول»دور.
- اردبیلین 12 کیلومئتر جنوب غربینده یئرلهشیر. رزمآرایا25 اساسا 1330-جو ایله کیمی بورادا 89 نفر یاشاییرمیش.
- «سازمان جوغرافیایی نیروهای مسلح»ده اویکونیمین خاصهلری «علی آباد» آدی ایله وئریلمیشدیر26.
قید ائدک کی، ارتشبد «رزمآرا»نین ترتیب ائتدیگی ائنسیکلوپئدیک لوغتده بو اویکونیم حاققیندا دئییلیر: «خرابه کهل- ده از دهستان کلخوران، بخش مرکزی شهرستان اردبیل، 12 کیلومتری جنوب باختری اردبیل، در مسیر شوسه تبریز اردبیل، کوهستانی معتدل....27». گؤروندویو کیمی بورادا «نام دیگر» آدلی بیر عباره یوخدور. بو قوندارما آد «سازمان جوغرافیایی نیروهای مسلح»ین خارقهلریندندیر. یئری گلمیشکن نمین کندلریندن اولان «آخماز»ین ماجراسی داها ماراقلیدیر. بئله کی، تیمسار رزمآرا بو کند حاققیندا یازیر: «دولت آباد (آخماز).....». دئمک دولت آباد قوندارما آددیر و دیرناق آراسیندا اصل آدی وئریلمهسئیدی، اونون هانسی کند اولدوغونو بیلمک اولمایاجاقدی. مفخم پایان ایسه (بلکه ده رزمآرا قروپونون قیدلرینه اساسا) کندین اصلی آدین یازمیشدیر (آخماز). سونراکی چاپلاردا اصلی آددان سونرا قلمله (چاپین اوفسئت اوصولو ایله اولدوغونا گؤره) و دیرناق آراسیندا (دولت آباد) یازیلمیشدیر. «سازمان جوغرافیایی نیروهای مسلح» مؤوضوعا بیر دفعهلیک سون قویاراق «دولت آباد» یازمیشدیر. فارسلار دئمیشکن تو خود حدیث مفصل بخوان از این مجمل.
- «شناسنامه روستایی استان اردبیل»:
در قدیم اشرار در این مکان مامن داشتند اطراف روستا را می چاپیدند و در این محل سکنی داشتند. تاریخ آنرابه 700 سال قبل روایت می کنند. به لحاظ خرابه بیشتر و جمعیت کمتر به توضیحی که در بالا آمد نام خرابه کهل را به این روستا گذاشتند.
اویکونیمین ائتیمولوگیاسی
کؤهول ماغارا دئمکدیر و کندین یانینداکی ماغارادان آلینمیشدیر. قید ائدک کی، بو ماغارالارین اوچوق وضعیتی «خارابا» تعیینینین آرتیریلماسینا سبب اولموشدور. یئری گلمیشکن کندین یانینداکی ماغارالار ایلک انسانلارین مسکنی اولموشدور و یانینداکی درهده کوپ قبیرلر مؤوجوددور. قبیر درهسینین او تاییندا ایسه واختی ایله یاشاییش منطقهسی اولان تپه ده واردیر. حاضرکی کند سونرالار و تپه، ماغارا و قبیریستانلیغین 100 مئتر شیمال شرقینده یئرلهشیر28. مکمل آدی «خارابا کؤهول کندی»دیر.