دوندارلار
دوندارلار Dodarlar قدیم تورک تایفالاریندان اولان دوندارلار حاققیندا، اونلارین قافقازدا و آزوف ساحل‌لرینده یاشاماسی باره‌ده میلئت‌لی هئکاتئیدن (میلاددان قاباقVI-V عصرلر) باشلامیش، ایسترابون، تاسیت، پلوتارخ و لوکوللا قدر بیر چوخ‌لاری معلومات وئرمیشلر. اونلارین کوبان اراضی‌سینده یاشادیقلاری و ایران دیللی اولدوقلاری، «دوندار» سؤزونون اوسئتین دیلینده «چایی ساخلایانلار» معناسیندا ایشلندیگی باره‌ده ملاحظه‌لر ده سؤیلنمیشدیر. لاکین دوندارلارلا باغلی بوتون ایزلر اونلارین تورک تایفالاریندان اولدوغونو گؤستریر. توووز و قوبادلی رایونلاریندا دوندارلی، توووزدا دوندار- قوشچو، دوچی رایونو اراضی‌سینده قالا- دوندار قالا خارابالیقلاری، قازاخ رایونوندا دوندارداغ و س. کیمی توپونیم‌لردن آیدین اولور کی، دوندارلار آلبانیانین شیمال- غرب اراضی‌لرینده یاشامیشلار. «کیتابی- دده قورقود»دا دوندار به‌ی شخص آدی دا بو ائتنونیمله باغلی‌دیر. گومان اولونور کی، تورک دیللی دوندارلار آلبانیا اراضی‌سینه III-IV عصرلرده ترتر، آران، کنگر، خورس، ساوار تایفا‌لاری ایله، VI-VIII عصرلرده ایسه خزرلر، آوارلار، قیسما سووارلار و باشقا‌لاری ایله عینی واختدا داخیل اولموشلار.XIII عصرین کیچیک آسیا تورک تایفالاریندان بیری «دوندارلی» آدلانیردی. - دوندار شخص آدلاری تورکجه ایضاح اولونور. پلوتارخ دوندار حاکمی‌نین آدی‌نین اولتاک اولدوغونو گؤستریر. بو سؤزو «اوغول» (اوول) و «تک1» سؤزلرینه آییرماق اولور.
