زئیوه
آذربایجان توپونیمیکاسی سایتیندان
زئیوه Zeyvə (زیوه)
اردبیل - مرکزی بخش - بالیقلی دهیستانی - دهیستانین مرکزی: شام‌اسبی
توپونیمیک خصوصیتلر
| سیستئم | تیپ | نؤع | ایضاحات | اهالینین دیلی |
|---|---|---|---|---|
| ماکروسیستئم | اویکونیم | کند | ساده، ائللیپتیک، جوغرافی نومئنسیز | آذربایجان دیلی |
دئموقرافیا
- تصرفات: اکینچیلیک، مالدارلیق، فهله‌لیک و نقلیات.
- محصوللار: بوغدا، یونجا، آرپا، پاخلالی بیتکیلر.
- بیتکی اؤرتویو: ککلیک‌اوتو، بویماده‌رن، شیرین‌بیان، یووشان، گول‌ختمی
- چؤل حیوانلاری: جاناوار، چاققال، تولکو، دووشان.
- داغلار: گونئی، جاقو
- ساوا، مرند، دئزفول، ماکی، اهر (ایکی کند)، میانا، ماراغا و جیروفتدا «زئیوه» آدلی کندلر واردیر. ماراقلیدیر کی، بیر قایدا اولاراق رسمی قیدیاتلاردا «زاویه» شکلینده یازیلان بو آد ماکی‌دا دیرناق اراسیندا «زیوه» یازیلمیشدیر.
- اردبیلین 16 کیلومئتر جنوب غربینده یئرله‌شیر. رزم‌آرایا30 اساسا 1330-جو ایله کیمی بورادا 158 نفر یاشاییرمیش.
- صفوه الصفادا «زاویه» فورماسیندا قید ائدیلمیشدیر.
زئیوه آدلی کندلر عمومیتله صوفی‌لیکیه علاقه‌دار و شیخ صفی‌الدین دؤوروندن اعتبارا عمله گلمیشدیر. عرب دیلیندن آلینمیش «زاویه» (بوجاق) معناسیندادیر و عمومیتله «صومعه» عبادتگاه معناسینی وئریر.
