شه‌ره‌ور

آذربایجان توپونیمیکاسی سایتیندان

شه‌ره‌ور Şərəvər (شهریور)

اردبیل - مرکزی بخش - سرداوا دهیستانی - دهیستانین مرکزی: خوشکه‌ری

توپونیمیک خصوصیتلر

سیستئم تیپ نؤع ایضاحات اهالینین دیلی
ماکروسیستئم اویکونیم کند ساده، ائللیپتیک، جوغرافی نومئنسیز آذربایجان دیلی

دئموقرافیا

  • تصرفات: اکینچیلیک، مالدارلیق، فهله‌لیک و نقلیات.
  • محصوللار: بوغدا، یونجا، آرپا، پاخلالی بیتکیلر.
  • بیتکی اؤرتویو: بولاق‌اوتو، جنجه‌لم، ککلیگ‌اوتو، گول‌ختمی
  • چؤل حیوانلاری: جاناوار، تولکو، دووشان، ایلان.
  • چایلار: نشئه چایی، رشیدعالی چایی
  • آبیده: آتشکده
  • قونشو کندلر: گرجان، میرنی و باری

شهرکردده، نهاوندده، تئهراندا، بیجاردا، اهرده، شیرازدا، زنگاندا، قزوینده، نیشاپوردا «شهرک/ شه‌ره» آدلی کندلر واردیر. بوندان علاوه کیرماندا «شه‌رمی»، آباده‌ده «شه‌رمیان»، مشهدده، بندرعابباسدا، یئزدده «شه‌ره‌نو» آدلی کندلر واردیر.

اردبیلین 12 کیلومئتر شیمال غربینده یئرله‌شیر. رزم‌آرایا74 اساسا 1330-جو ایله کیمی بورادا 1183 نفر یاشاییرمیش. قید ائدک کی، رزم‌آرانین اثرینده بو کندین اوریژینال آدی، «شه‌ره‌ور» یازیلمیشدیر.

شناسنامه روستایی اردبیل: تاریخ این روستا طبق گفته ها قبل از اسلام می باشد و از اردبیل قدمتش بیشترمی باشد. طبق گفته ها از ماه شهریور گرفته شده است.

داود کیانی بو کند حاققیندا یازیر: «بابا صفری مولف اثر برجسته (اردبیل در گذرگاه تاریخ) می نویسد که از اردبیل تا مغان 12 آبادی بنام 12 ماه سال وجود داشت که شهریور یکی از آنها بود75». البته بو فکرین اویدورما اولدوغونون ثبوتا احتیاجی یوخدور.

اردبیل لیواسینین مفصل دفترینده «شه‌ره‌ور» کیمی قیده آلینمیشدیر. بوندان باشقا کند حاققیندا آشاغیداکی معلوماتلار وئریلمیشدیر: نفوس = 205 نفر، بوغدا = 16.25 تون، آرپا = 8.125 تون، داری = 3.25 تون، کوروشنه = 1.625 تون، نوخود و مرجیمک = 3.25 تون، بال = 260 کیلوقرام، ده‌ییرمان = 2 باب، داوار = 146 باش، یئکون وئرگی = 13300 آغچا

صریح الملک اثرینده «شهراور» و اونا منسوب اولان «شهراوری» قیده آلینمیشدیر کی، ایندیکی اوخونوشو «شه‌ره‌ور»دیر. صفوه الصفانین 224-جو صحیفه‌سینده ده «شهراور» (شه‌ره‌ور) کیمی یازیلمیشدیر.

تیمسار رزم‌آرانین فرهنگ جوغرافیایی ایران اثرینده شهره‌ور (şorevər) کیمی قیده آلینمیشدیر: از دهستان دیجویجین بخش مرکزی شهرستان اردبیل. 12 ک شمال اردبیل-5 ک شوسه اردبیل- خیاو. کوهستانی- معتدل- سکنه 1183- شیعه ترکی.

کلاسسیک منبعلرده «اردبیل لیواسینین مفصل دفترین» چیخماقلا هامیسی بو اویکونیمی «شهراور» فورماسیندا یازمیشلار. عرب الفباسینا کئچدیکدن سونرا تقریبا اللی ایل بوندان قاباغا کیمی بیر یازی عنعنه‌سی کاغیذا قناعت، نتیجه اعتباری ایله ایسه بیتیشیک یازماق عنعنه‌‌سی حاکم ایدی. مثال اوچون «شماسبی» (شام‌اسبی). عینی حالدا بعضا سؤزون اورتاسینداکی «ə» فونئمی «ا» شکلینده یازیلیردی. مثال اوچون راضی (rəzey). حتی بو یاخینلاردا «من مشتعل عشق علی‌یم چه کنم» مصراعسی «منمشتعلعشقعلیمچهکنم» یازیلیردی. دئمه‌لی، «شهراور» سؤزونون ایندیکی تلفوظو «شه‌ره‌ور» یازی واریاسیاسیدیر و فارسلارین بو و یا دیگر آیلاری ایله هئچ بیر علاقه‌سی یوخدور.

اویکونیمین ائتیمولوگیاسی

اویکونیمین اصل آدی «شه‌ره‌ور / شاراوار»دیر. شار (شی + ار) + آوار. دئمک ائتنواویکونیمدیر و شار - آوار تایفا بیرلشمه‌سینه عاید یاشاییش یئری دئمکدیر. مکمل آدی «شه‌ره‌ورکندی»دیر. یئری گلمیشکن قید ائدک کی، «آشور» تانریسی‌نین آدی «سار/ شار»دیر.