قاراتپه- ساوالان
ایچیندهکیلر
قاراتپه – ساوالان Qaratəpə-Savalan (قره تپه سبلان)
اردبیل - مرکزی بخش - سرداوا دهیستانی - دهیستانین مرکزی: خوشکهری
توپونیمیک خصوصیتلر
سیستئم | تیپ | نؤع | ایضاحات | اهالینین دیلی |
---|---|---|---|---|
ماکروسیستئم | اویکونیم | کند | قورولوشجا مرکب، ائللیپتیک، جوغرافی نومئنسیز | آذربایجان دیلی |
دئموقرافیا
- تصرفات: اکینچیلیک، مالدارلیق، فهلهلیک و نقلیات.
- محصوللار: بوغدا، یونجا، آرپا، پاخلالی بیتکیلر.
- بیتکی اؤرتویو: ککلیکاوتو، یارپیز، کرؤله، گولختمی
- چؤل حیوانلاری: جاناوار، چاققال، تولکو، دووشان، ککلیک، قیرقوول.
- داغلار: ساوالان *ماغارالار: نیه کؤهولو (بیزجه بینه کؤهولو اولمالیدیر)
- چایلار: قاراچای
- آبیده: قالا
- قونشو کندلر: چیلگز، جومادی، وکیل آباد و سرداوا
تبریز (2 کند)، ساری، ماکی، ماراغا (2 کند)، زنگان (3کند)، مرند، کیرمانشاهان، میانا، ساوا (2 کند)، خوی (2 کند)، تئهران، مئشکین، اصفاهان، اراک شههرلرینده «قاراتپه» ، گونبذده ایسه «قاراتپه-شیخ» آدلی کندلر واردیر.
اردبیلین 17 کیلومئتر شیمال غربینده یئرلهشیر. رزمآرایا77 اساسا 1330-جو ایله کیمی بورادا 479 نفر یاشاییرمیش.
اردبیل لیواسینین مفصل دفترینده «قارادپه» کیمی قیده آلینمیش و بو کند حاققیندا آشاغیداکی معلوماتلار وئریلمیشدیر: نفوس = 50 نفر، بوغدا = 6.25 تون، آرپا = 3.125 تون، داری = 1.25 تون، کوروشنه = 0.625 تون، نوخود و مرجیمک = 0.625 تون، بال = 100 کیلوقرام، داوار = 59 باش، یئکون وئرگی = 5140 آغچا
شناسنامه روستایی استان اردبیل
در زمانهای سابق این روستا به جهت ظلم عشایر مخروبه شده و اهالی آن به روستای آراللوی بزرگ وکوچک کوچ کرده بودند و حدودا در سال 1265 دوباره در اثر ظلم مالک آن روستا بنام نایب صدر شریعتی دوباره به این روستا باز گشته اند. ابتدا روستا به جهت وجود یک قلعه در بالای روستا بنام ترکی «قالاتپه» نام گذاری شده که به مرور زمان قره تپه نامیده شده است.
غربی آذربایجانین تورک منشالی توپونیملری
ایروان قوبئرنیاسینین ایروان فضاسیندا، ایندیکی «قمرلی» (آرتاشات) رایونوندا «قاراتپه» آدلی بیر کند اولموشدور. «آغاحمدلی» کندینین یاخینلیغیندا یئرلهشیردی. «ایروان ایالتینین اجمال دفتری»نده و قافقازین 5 وئرستلیک خریطهسینده قید ائدیلمیشدیر. کندده 1831-جی ایلده 45 نفر، 1873-جو ایلده 49 نفر، 1886-جی ایلده 32 نفر، 1897-جی ایلده 32 نفر، 1908-جی ایلده 59 نفر، 1914-جو ایلده 89 نفر، 1916-جی ایلده 30 نفر، 1919-جو ایلده 38 نفر آذربایجانلی یاشامیشدیر. 1919-جو ایلین سونلاریندا و 1920-جی ایلین اوللرینده آذربایجانلیلار قیرغینلارلا ائرمنیلر طرفیندن قوولاراق کند خارابالیغا چئوریلمیشدیر. ایندی خارابا کنددیر.
اویکونیمین ائتیمولوگیاسی
توپونیم تورک دیلینده «بؤیوک، گئنیش، هوندور، شیش، اوجا» معناسیندا ایشلهنن قارا سؤزو ایله آذربایجان دیلینده «کیچیک داغ» معناسیندا ایشلهنن تپه سؤزونون بیرلشمهسیندن عمله گلمیشدیر. رئلیئفله باغلی یارانان مرکب قورولوشلو توپونیم، اورواویکونیمدیر.
تورکیهنین آدانا، آماسیا، آنکارا، آنتالیا (2 کند)، آیدین، جانکیری، چوروم، ادیرنه، ارزوروم، اسکیشههر، قوجاائلی، قونیا، مالاتیا، ترابزون (2کند)، اورفا (2کند) شههرلرینده 18 کندین آدی «قاراتپه»دیر.
آذربایجان توپونیملرینین ائنسیکلوپئدیک لوغتی
قاراتپه اورونیم؛ مرکب. 1) قازاخ رایونونون گورجوستانلا سرحددینده داغ. هوندورلویو 729 مئتر. داغین آدی قارا (شیمال) و تپه سرزلریندن عبارت اولوب، «شیمال استیقامتینده اولان تپه» معناسینی بیلدیریر. کئچمیشده داغین اراضیسیندن یایلاق کیمی استفاده ائدیلیردی. 2) میل دوزونون شیمال –شرق حصهسینده صنعی تپه. 3) ترتر رایونو اراضیسینده داغ. هوندورلویو 282 مئتر. داغین سطحی قارا تورپاق اؤرتوکدن عبارت اولدوغو اوچون بئله آدلانمیشدیر. کئچمیشده یایلاق یئری کیمی استفاده ائدیلیردی.
قاراتپه اویکونیم.
1) «برده» رایونونون ناظیرلی انضباطی اراضیسینده کند. دوزنلیکدهدیر. یاشاییش منطقهسی 1956-جی ایلده همین رایون اراضیسیندهکی قاراتپه آدلی یئرده سالینمیشدیر. 1965-جی ایلدن قاراتورپاق، 1968-جی ایلدن ایسه قاراتپه آدی ایله رئسپوبلیکانین یاشاییش منطقهلری سیاهیسینا داخل ائدیلمیشدیر. بو آد قارا (بورادا بؤیوک معناسیندادیر) و تپه سؤزلریندن عبارت اولوب، بؤیوک تپه دئمکدیر.
2) خوجاوند رایونوندا کند. 19-جو عصرین ایگیرمینجی ایللرینده ایراندان کؤچوب گلمیش ائرمنی عائلهلرینین مسکونلاشماسیندان سونرا پاراواتومب (ائرمنی دیلینده پاراوا «قدیم، کؤهنه» و تومب «تپه» سؤزلریندن اولوب قاراتپه آدینین ائرمنی حرفی معناسی آدلانمیشدیر. 1992-جی ایلده کندین اولکی آدی برپا ائدیلمیشدیر. بو توپونیم قدیم تورک دیللریندهکی قارا (کؤهنه) و تپه سؤزلریندن عبارتدیر. تورکمنیستانین جنوبوندا، آرتیک آدلی دمیر یولو استانسیاسیندان دؤرد کیلومئتر شیمالدا ائنئولیت دؤورونه (میلاددان اؤنجه 3-4 مین ایللیکلر) عاید یاشاییش یئری، تورکیهنین قدیرلی شههریندن 22 کیلومئتر جنوب شرقده جیهان چایی ساحلینده تپه ده «قاراتپه» آدلانیر. کئچن عصرین 30-جو ایللرینهدک گورجوستان اراضیسینده «قاراتپه» (قارادابانی رایونو) آدلی یاشاییش منطقهسی قیده آلینمیشدیر. اویکونیمین مکمل آدی «قاراتپه کندی»دیر.