لاچینلار
لاچینلار LAÇIN - تاریخدن معلومدور کی، لاچین آدلی بیر تورک قبیله‌سی اولموشدور. همین تورک قبیله‌سی اساسا تورکوستاندا یاشامیشدیر. نظامی ادبی مکتبی‌نین گؤرکملی داوامچیسی حساب ائدیلن، هیندیستاندا یاشاییب، فارس دیلینده یازیب یارادان داهی شاعیر امیر خسرو دهلوی لاچین قبیله‌سیندندیر.
لاچین قوش آدی ائل آراسیندا همیشه قهرمانلیق، هنر، جسارت رمزی حساب اولونوب. عمومیتله، شاهین قوشونون ائرکه‌یینه لاچین دئییلیر. لاچین - شاهین جینسیندن اولان ییرتیجی دیلینده یازیب یارادان داهی شاعیر امیر خسرو دهلوی لاچین قبیله و آلیجی قوش آدیدیر.
ف. رشیدالدین اوغوزلارین 24 اونقونوندان بیرینین جوده (CÜDƏ) لاچین اولدوغونو گؤسته‌ریر. لاچین بویو تورک دونیاسینا چوخلو دوولت خادیملری، ایگیدلر بخش ائدیب. XIII عصرین سونلاریندا میصیر سولطانی اولموش الملک حسام الدین لاچین المنصوری ایدی...
آذربایجاندا آتا – آنالار اؤز اؤولادلارینا اوزون ایللردیر کی، آد وئررکن لاچین آدینی اونوتمورلار.
قوش آنلاییشینی ایفاده ائدن چین (ÇIN) / چین (ÇİN) کومپونئنتینی (حصه‌سینی) بعضی آراشدیریجیلار «اوجا، یوکسک، هوندور، یوخاری» آنلامی ایله ده معنالاندیریرلار. بعضی سند و منبع‌لرده ÇIN/ ÇİN سؤزو «آشاغیدان یوخاریا قالخان»، «یوکسه‌لن»، «اوجالان»، «حاقق اولان» و س. کیمی معنالاندیریرلار. ÇIN/ ÇİN هئجاسی حاضیردا آرخائیک بیر شکیلچی کیمی بیر نئچه قوش آدیندا قالمیشدیر: گؤیرچین، بیلدیرچین، سیغیرچین، بالیقچین، باییرچین، داریخچین، لاچین ...
و. و. رادلوف V. V. Radlov اؤز لغتینده ( جیلد 4، ص1497) عثمانلی تورک دیلینده بالیقچین، باییرچین ... سؤزلرینی قوش آدی کیمی ایشلتمیشلر. او، لاچین سؤزونون هم ده قبیله آدی اولماسینی گؤسترمیشدیر... بیزده هئچ ده آز ایشلنمه‌ین بیر قارغیش و بیر آلقیش وار: یوخون چین اولماسین، آرزون چین اولسون.
بوتؤو چین دؤولتی‌نین اراضی‌سینه چین، جنوبی چین اراضی‌سینه ایسه ماچین دئییلیر. چین قایناقلاری گؤسته‌ریر کی، گؤی‌تورکلر، اویغورلار، قیرغیزلار هون‌لارین نسلیندندیر...
لاچین سؤزو تورک دیللرینده‌کی یالچین سؤزونون تحریف اولونموش فورماسیدیر. یالچین سؤزو «سیلدیریم» معناسی داشی‌ییر.
