نوران

آذربایجان توپونیمیکاسی سایتیندان

نوران Nuran (نوران)

اردبیل - مرکزی بخش - بالیقلی دهیستانی - دهیستانین مرکزی: شام‌اسبی

توپونیمیک خصوصیتلر

سیستئم تیپ نؤع ایضاحات اهالینین دیلی
ماکروسیستئم اویکونیم کند ساده، ائللیپتیک، جوغرافی نومئنسیز آذربایجان دیلی

دئموقرافیا

  • تصرفات: اکینچیلیک، مالدارلیق، فهله‌لیک و نقلیات.
  • محصوللار: بوغدا، یونجا، آرپا، پاخلالی بیتکیلر.
  • بیتکی اؤرتویو: گؤوزابان، ثعلب، بابانک، یارپیز
  • چؤل حیوانلاری: جاناوار، چاققال، تولکو، دووشان، ککلیک، قیرقوول.
  • داغلار: روست داغی50، ساوالان
  • قونشو کندلر: حسن‌باری، اندراب
  • سارابدا بیر کندین آدی «ناراب/نارو»، سنندجده بیر کندین آدی «نارابی/ نارویی»، تئهراندا و جیروفتدا بیر کندین آدی «ناران»، زاهیداندا و جیروفتدا بیر کندین آدی «نارون»، مشهدده ایکی، اورمیادا ایکی کندین آدی «ناری»دیر.
  • اردبیلین 9 کیلومئتر غربینده یئرله‌شیر. رزم‌آرایا51 اساسا 1330-جو ایله کیمی بورادا 638 نفر یاشاییرمیش.
  • اردبیل لیواسینین اردبیل ناحیه‌سینده «نوران» کیمی قیده آلیناراق حاققیندا آشاغیداکی معلوماتلار وئریلمیشدیر: نفوس= 15 نفر، بوغدا= 8.75 تون، آرپا= 4.375 تون، داری= 1.75 تون، کوروشنه= 0.875 تون، نوخود و مرجیمک= 0.875 تون، بال= 140 کیلوقرام، ده‌ییرمان= 3 باب، داوار= 86 باش، یئکون وئرگی= 7300 آغچا

اویکونیمین ائتیمولوگیاسی

آذربایجان توپونیملرینین ائنسیکلوپئدیک لوغتی:

نوران اویکونیم، دوزلتمه، آغسو رایونونون عینی آدلی انضباطی اراضی واحدینده کند. آغسو چایینین ساحلینده‌دیر. تدقیقاتچیلارا گؤره اویکونیمین موغول منشالی نور/ نوری (Nur/Nori) (داغ سلسله‌سی، اوچوروم، یارغان، سیلدیریم قایا) سؤزوندن و –ان (جمع‌لیک و مکان بیلدیرن) شکیلچیسیندن عبارت اولوب، «داغ سلسله‌سی یاخینلیغیندا کند» معناسیندادیر. کندین جوغرافی مؤوقعی ده بو معنا ایله اویغوندور.

بیز ایسه اثرین مؤلفی‌نین بو قناعتی ایله اصلا راضیلاشمیریق. اصلینده تدقیقاتچیلار آذربایجان توپونیملرینین ائتیمولوگیاسینی آراشدیرارکن ایکی جهتی اونوتمامالیدیرلار: بیرینجی آذربایجان توپونیمیاسیندا ائتنونیملرین تعیین ائدیجی رولو؛ ایکینجیسی میفوائتنونیملری. بیلدیگیمیز کیمی تورک دیللرینین ایلکین سؤزلری تک هئجالی اولموشدور، دئمه‌لی ائتنونیملرین ایلکین واریانتلاری دا تک هئجالی اولمالیدیر کی، اصلینده میفیک (تانریلارا وئریلن آد) ائتنونیملردیر. بو آدلاردان بیری «نی/ نا/ نو» تایفا آدیدیر. همین آدا «ار/ ایر/ اور» فرقلندیریجی شکیلچیسی (داها دوغروسو توپوفورمانتی) آرتیلدیقدا «نی+ ار= نی‌ار/ نیار، نو+ ار= نو‌آر/ نور» ائتنونیملری میدانا چیخیر. همین نور آدینا «ان» (فرقلندیریجی و منسوبلوق بیلدیرن) توپوفورمانت آرتیریلدیقدا «نوران» ائتنونیمی یارانیر. دئمک نوران اختصارا اوغرامیش ائتنواویکونیمدیر و مکمل آدی «نوران کندی»دیر.