نیار
آذربایجان توپونیمیکاسی سایتیندان
نیار Niyar (نیار)
اردبیل - مرکزی بخش - شرقی دهیستان - دهیستانین مرکزی: نیار
توپونیمیک خصوصیتلر
| سیستئم | تیپ | نؤع | ایضاحات | اهالینین دیلی |
|---|---|---|---|---|
| ماکروسیستئم | اویکونیم | کند | ساده (قورولوشجا دوزلتمه)، ائللیپتیک، جوغرافی نومئنسیز | آذربایجان دیلی |
دئموقرافیا
- تصرفات: اکینچیلیک، مالدارلیق، فهله‌لیک و نقلیات.
- محصوللار: بوغدا، یونجا، آرپا، پاخلالی بیتکیلر، یئرآلماسی
- بیتکی اؤرتویو: ککلیک‌اوتو، شووه‌رن، بابانک، یارپیز، بنؤوشه، گؤوزابان، گول‌ختمی
- چؤل حیوانلاری: جاناوار، تولکو، دووشان
- کؤوشن: مورول، مونجول، دئم
- تپه: تپه باشی (حال حاضیردا اوزه‌رینده ائو تیکیلمیشدیر)
- چای: قوروچای
- بولاق: عباسیه بولاغی
- گؤل: شور گؤل
- یول: شاهوئردی یولو
اویکونیمین ائتیمولوگیاسی
ایگید «نی» تایفاسی‌نین یاشادیغی یئر معناسینی ایفاده ائدن ائتنواویکونیمدیر: (نی (ائتنونیم) + ار (ایگیدلیک بیلدیرن توپوفورمانت). مکمل آدی «نیارکندی»دیر. اردبیلین شرقینده یئرله‌شیر و حال حاضردا اردبیله بیتیشمیشدیر.
- سنندجده «نی»، همین شه‌هرده «نی‌آوا»، بیرجندده «نی‌اوو»، زنگاندا «نی‌اوو» و «نیارک/ نیارا»، نمینده «نیارا» کندلری واردیر
- رزم‌آرایا99 اساسا 1330-جو ایله کیمی بورادا 2042 نفر یاشاییرمیش.
- صفوه الصافادا (ص. 997) «نیار» شکلینده یازیلمیشدیر.
- اردبیل لیواسی‌نین مفصل دفترینده «نیار نزد ویور» کیمی قیده آلینمیش و حاققیندا آشاغیداکی معلوماتلار وئریلمیشدیر: نفوس = 100 نفر، بوغدا = 250 تون، آرپا = 125 تون، داری = 5 تون، کوروشنه = 2.5 تون، بال 300 کیلوقرام، داوار 682 باش، یئکون وئرگی = 21000 آغچا
