چیلگز
چیلگز Çilgəz (چهل گز)
اردبیل - مرکزی بخش - سرداوا دهیستانی - دهیستانین مرکزی: خوشکه‌ری
توپونیمیک خصوصیتلر
| سیستئم | تیپ | نؤع | ایضاحات | اهالینین دیلی |
|---|---|---|---|---|
| ماکروسیستئم | اویکونیم | کند | ساده (قورولوشجا مرکب: بیرینجی نؤع تعیینی سؤز بیرلشمه‌سی)، ائللیپتیک، جوغرافی نومئنسیز | آذربایجان دیلی |
دئموقرافیا
- تصرفات: اکینچیلیک، مالدارلیق، فهله‌لیک
- محصوللار: بوغدا، یونجا، آرپا، پاخلالی بیتکیلر.
- بیتکی اؤرتویو: یارپیز، ککلیک‌اوتو، گیجی‌تیکان
- چؤل حیوانلاری: جاناوار، تولکو، دووشان، آیی، دونوز
- داغلار: ساوالان
- چایلار: قاراچای
- قونشو کندلر: جومادی، قاراتپه و خیه‌رک
اویکونیمین ائتیمولوگیاسی
- شاه‌آباددا و ساوادا «چیلگزی» آدلی کندلر واردیر.
- اردبیلین 19 کیلومئتر شیمال غربینده یئرله‌شیر. رزم‌آرایا62 اساسا 1330-جو ایله کیمی بورادا 207 نفر یاشاییرمیش.
- شناسنامه روستایی استان اردبیل:
«کسی از پیدایش روستا خبر ندارد روستا قبلا در محل دیگری بوده است که به علت نا معلومی از بین رفته و به محل فعلی انتقال یافته است. طبق گفته این روستا تپه های زیاد دارد که فاصله بین این تپه ها گز نامیده می شده به همان دلیل چهل گز نامیده است».
چیلگز (اورونیم): لاچین و کلبه‌جر رایونلاری اراضی‌سینده داغ آدیدیر. میخ‌تؤکن سیلسیله‌سینین شیمال حصه‌سینده زیروه‌دیر. هوندورلویو 2362 مئتردیر. بو توپونیم چیل/ جیل (سوجاق یئر، باتاقلیق) و گز (گدیگین ان آلچاق یئری، داغ بئلینده آشیریم) سؤزلریندن دوزه‌لیب، «اته‌یینده سوجاق یئر، بولاق اولان آشیریم» معناسیندادیر. داغین اته‌یینده، لاچین رایونونون اراضی‌سینده عینی آدلی بولاق واردیر.
چیلگز (هیدرونیم): لاچین رایونو اراضی‌سینده، چیلگز داغی‌نین اته‌یینده یئرله‌شن بولاقلارین آدیدیر. آدینی عینی آدلی داغدان آلمیشدیر. «گز» آذربایجاندا «گه‌دیک»، «داغ‌بئلی»، «یوخوش» مفهوم‌لارینی بیلدیریر. «چیل»، «چال» ایسه بیتکی ایله مکمل شکیلده اؤرتولمه‌ین یئر دئمکدیر. دئمک بیتکی ایله مکمل شکیلده اؤرتولمه‌ین گدیک، چیل گدیک دئمکدیر. بیرینجی نؤع سؤز بیرلشمه‌لرینه عاید اولدوغونا گؤره چیل صفت، گدیک ایسه اورونیمدیر.
بو کند اؤز آدینی همین گدیکدن گؤتوردویونه گؤره اورواویکونیم حساب اولونور. جوغرافی نومئنسیزدیر و مکمل فورماسی «چیلگز کندی»دیر.
- اردبیل لیواسینین مفصل دفترینده «چیلگزی» کیمی قیده آلینمیش و بوش اولدوغو و 1000 آغچا وئرگی تعیین ائدیلدیگی بیلدیریلمیشدیر.
