کوللار تایفاسی

کوللار QUL/KUL – قدیم تورک دیللی بولقارلارین، پئچئنئق‌لرین و قیپچاقلارین ترکیبینده اولموش کول (قول) تایفاسینین آدینداندیر. «کول» Kul ، «کول» Kol، «کل» Kəl، «کال» Kal، «خال» Xal وس. فورمالاردا تلفظ اولونان بو تایفا بو و یا دیگر توپونیم‌لرده اؤز ایزینی قویموشدور. بونلاردان اردبیلده «کوللار»، «کله‌سر»، «کلخوران»، «خالخال» و س. یاشاییش یئرلرینین آدلارینی چکمک اولار. بو تایفانین اساسیندا «کی»، «سی»، و «خی» میفو ائتنونیمی و «ائل» توپوحصه‌سی دورور.