باری
باری Barı (باروق)
اردبیل - مرکزی بخش - سرداوا دهیستانی - دهیستانین مرکزی: خوشکه‌ری
توپونیمیک خصوصیتلر
| سیستئم | تیپ | نؤع | ایضاحات | اهالینین دیلی |
|---|---|---|---|---|
| ماکروسیستئم | اویکونیم | کند | ساده، ائللیپتیک، جوغرافی نومئنسیز | آذربایجان دیلی |
دئموقرافیا
- تصرفات: اکینچیلیک، مالدارلیق، فهله‌لیک و نقلیات.
- محصوللار: بوغدا، یونجا، آرپا، پاخلالی بیتکیلر.
- بیتکی اؤرتویو: بابانک، ککلیک‌اوتو، بولاق‌اوتو، بویماده‌رن...
- چؤل حیوانلاری: جاناوار، تولکو، دووشان
- چایلار: نشته‌ری *بولاق: موللا بولاغی *یول: سومه‌رین یولو، داغ یولو *آرخ: پئشته آرخی، درین آرخ، کؤوشن آرخی، میرالان آرخی *قالا: گوران قالاسی *دره: کؤوشن دره‌سی، ساری دره *تپه: میرآلان، گوران تپه (آرخئولوژی)، قجر تپه‌سی *کؤوشن: میرآلان، ختمیلی، زاوا یئری
- قونشو کندلر: میرنی، دیجویجین، خوشکه‌ری و چاناق‌بولاق
- زنگاندا اوچ کندین آدی «باریک آب/ باریقو» (کیچیک باری تایفاسینین یاشاییش یئری)، مشهد و چاباهاردا بیر کندین آدی «بارو»دور. اورمیادا «باری»، مرندده «باروج/ باروق» (کیچیک باری)، ماراغادا «باروق» آدلی ایکی کند واردیر.
- اردبیلین 10 کیلومئتر شیمال غربینده یئرله‌شیر. رزم‌آرایا56 اساسا 1330-جو ایله کیمی بورادا 2458 نفر یاشاییرمیش.
- شناسنامه روستایی اردبیل:
طبق اظهار افراد مسن ساکن روستا پیدایش روستای باروق قبل از شکل گیری شهرستان اردبیل می باشد و مادر شیخ صفی الدین بنام جمال باروق اهل این روستا بوده است. داود کیانی ایسه باری حاققیندا یازیر: «باروق در اغلب موارد به معنی کاشانه و سرپناه بوده و از مصدر ترکی (بارماق) و یا (باریماق) به معنی ساختن و بنا کردن حاصل شده است. در برخی موارد باریق به معنی دره بین تپه های نوک تیز، شکاف صخره مرتفع، محل سرسبز و آبگیر رودخانه بوده و به مراکز جمعیتی ای که در اینگونه مکانها ایجاد شده اند اطلاق شده است»57.
اویکونیمین ائتیمولوگیاسی
قید ائدک کی، د. کیانی‌نین بو فیکری ایله هئچ جور راضیلاشماق اولماز. چونکی «بارماق» سؤزو ایسیم فورماسیندا فارس دیلینده «انگشت» دئمکدیر. فعل فورماسیندا ایسه حال حاضردا محدود مقاملاردا ایشله‌نیر. کئچمیشده گئنیش شکیلده ایشله‌نن «بارماق/ وارماق» مصدرینین کؤکو «بار/ وار» «گئت» سؤزو ایله‌سینونیم اولموشدور. بئله کی، «گئت» هارادان سؤالینین جاوابیندا، «وار» ایسه هارایا سؤالینین جاوابیندا دئییلیردی: 1) اردبیلدن گئت، 2) تئهرانا وار.
«باری» کندینین ائتیمولوگیاسینا گلدیکده ایسه بو سؤز یا: 1-اورخون- یئنی‌سئی آبیده‌سینده آدی چکیلن بار تایفاسی ایله علاقه‌داردیر. یعنی؛ بار (تایفا آدی) + ی (جمع بیلدیرن و تایفالارا بیرله‌شن شکیلچی). ائتنواویکونیم. 2-فارس دیلینده حاصار، قالا معناسینی ایفاده ائدن «بارو» سؤزونون تورکلشمیش واریانتی‌دیر و بورادا قالا معناسینی وئریر. البته بیزجه ایکینجی واریانت داها قناعت‌بخشدیر.
- دیاربکیرده بیر کندین ایندیکی، بیر کندین ایسه قاباقکی آدی «باری»دیر. اورمیادا باری کندی واردیر.
- صریح الملکده «باروق»، صفوه الصفادا (ص. 428) «بارق» فورماسیندا قیده آلینمیشدیر.
- اردبیل لیواسی‌نین مفصل تحریر دفترینده «باروق» (باری) کندینین محصولو و نفوسو حاققیندا آشاغیداکی معلوماتلار واردیر:
نفوس = 395 نفر، بوغدا = 37.5 تون، آرپا = 18.75 تون، داری = 7.5 تون، کوروشنه = 3.75 تون، نوخود و مرجی = 3.75 تون، بال= 300 کیلوقرام، داوار= 234 باش، یئکون وئرگی = 28850 آغچا
