«آغبلاغ آقاجان خان» نوسخهلرینین آراسینداکی فرقلری
(صحیفهنی ' آغبولاق- آغاجانخان Ağbulaq-Ağacanxan (آغبلاغ آقاجان خان) اردبیل - مرکزی بخش - شرقی د...' ایله ياراتدی) |
|||
(بۇ ایشلدنین طرفیندن ائدیلمیش بیر دَییشیکلیک گؤستریلمیر) | |||
خط 1: | خط 1: | ||
− | آغبولاق- آغاجانخان Ağbulaq-Ağacanxan (آغبلاغ آقاجان خان) | + | ==آغبولاق- آغاجانخان Ağbulaq-Ağacanxan (آغبلاغ آقاجان خان)== |
[[اردبیل]] - مرکزی بخش - [[شرقی دهیستان]] - دهیستانین مرکزی: [[نیار]] | [[اردبیل]] - مرکزی بخش - [[شرقی دهیستان]] - دهیستانین مرکزی: [[نیار]] | ||
==توپونیمیک خصوصیتلر== | ==توپونیمیک خصوصیتلر== | ||
خط 34: | خط 34: | ||
خوجاوند و شاماخی رایونو اراضیلرینده ده آغبولاق آدلی داغلار واردیر. بونلارین هامیسی اؤز آدلارینی عینی آدلی بولاقدان آلمیشدیر. | خوجاوند و شاماخی رایونو اراضیلرینده ده آغبولاق آدلی داغلار واردیر. بونلارین هامیسی اؤز آدلارینی عینی آدلی بولاقدان آلمیشدیر. | ||
جلیلاباد رایونونون آغداش انضباطی اراضی واحدینده، بورووار سیلسیلهسینین یاماجیندا یئرلهشن بیر کندین آدی «آغبولاق»دیر. | جلیلاباد رایونونون آغداش انضباطی اراضی واحدینده، بورووار سیلسیلهسینین یاماجیندا یئرلهشن بیر کندین آدی «آغبولاق»دیر. | ||
− | + | عسگران رایونونون عینی آدلی انضباطی اراضی واحدینده و داغلیق اراضیده یئرلهشن بیر کندین ده آدی «آغبولاق»دیر. | |
خوجالی رایونونون عینی آدلی انضباطی اراضی واحدینده و داغ اتهیی اراضیده یئرلهشن بیر کندین آدی «آغبولاق»دیر. کئچمیش آدی طالیبخانبهیلی اولموشدور. یاشاییش منطقهسی 19-جو عصرده طالیبخانبهی آدلی بیریسینه مخصوص مالدار عائلهلرین آغبولاق آدلی یئرده مسکونلاشماسی نتیجهسینده یارانمیشدیر. | خوجالی رایونونون عینی آدلی انضباطی اراضی واحدینده و داغ اتهیی اراضیده یئرلهشن بیر کندین آدی «آغبولاق»دیر. کئچمیش آدی طالیبخانبهیلی اولموشدور. یاشاییش منطقهسی 19-جو عصرده طالیبخانبهی آدلی بیریسینه مخصوص مالدار عائلهلرین آغبولاق آدلی یئرده مسکونلاشماسی نتیجهسینده یارانمیشدیر. | ||
22:47, 10 فوریه 2020 تاریخینه کیمی سون حال
آغبولاق- آغاجانخان Ağbulaq-Ağacanxan (آغبلاغ آقاجان خان)
اردبیل - مرکزی بخش - شرقی دهیستان - دهیستانین مرکزی: نیار
توپونیمیک خصوصیتلر
سیستئم | تیپ | نؤع | ایضاحات | اهالینین دیلی |
---|---|---|---|---|
ماکروسیستئم | اویکونیم | کند | ساده (قورولوشجا مرکب: بیرینجی نؤع تعیینی سؤز بیرلشمهسی)، ائللیپتیک، جوغرافی نومئنسیز | آذربایجان دیلی |
دئموقرافیا
- تصرفات: اکینچیلیک، مالدارلیق، فهلهلیک و نقلیات.
- محصوللار: بوغدا، یونجا، آرپا، پاخلالی بیتکیلر.
- بیتکی اؤرتویو: یئملیک اوتلاردان علاوه یارپیز، بابانک.
- چؤل حیوانلاری: جاناوار، تولکو، دووشان
- چایلار: بالیقلی، قوروچای
- آبیده: مؤجوز
- قونشو: قوولوغا، قارالار، سالتاوار
- ایرانین دیگر شههرلرینده 42 کندین آدی «آغبولاق»دیر.
- اردبیلین 3 کیلومئتر شیمال شرقینده یئرلهشیر. رزمآرایا92 اساسا 1330-جو ایله کیمی بورادا 1622 نفر یاشاییرمیش.
- شناسنامه روستایی استان اردبیل:
«بنا به اظهارات اهالی گویا 400 سال پیش سکونت در این قریه پیدا شده است. بنا به اظهارات اهالی فرد بنام آقاجان در این قریه مالک بوده و بنام ایشان ثبت گردیده است».
- اردبیل لیواسینین مفصل دفترینده«آغاجان» کیمی قیده آلینمیش، بوش اولدوغو 500 آغچا وئرگی تعیین ائدیلدیگی بیلدیریلمیشدیر.
- آذربایجان توپونیملرینین ائنسیکلوپئدیک لوغتی:
آغدام، اوغوز، شرور، آبشئرون، آغسو، اسماعیللی، قوبا و قوسار رایونلاریندا مینئرال (معدنی) بولاقلارین آدیدیر. قوبوستان رایونوندا، جیرانکئچمز چایی درهسینده و مرهزه قصبهسی یاخینلیغیندا سویوق سولو و کوکوردلو بیر بولاغین دا آدی «آغبولاق»دیر. بو هیدرونیم آغ (ایچمهیه یارارلی سو) و بولاق سؤزلریندن دوزهلیب، «ایچمهیه یارارلی سویو اولان بولاق» معناسیندادیر. قوبا و اوغوز رایونو اراضیلرینده «آغبولاق» آدلی چایلار واردیر. بو چایلارین آدی عینی آدلی بولاقدان گؤتورولموشدور.
باش قافقاز سیلسیلهسینین سو آیریجیندا «آغبولاق» آدلی بیر داغ واردیر. آذربایجان جمهوریتینین «قاخ» رایونو ایله داغیستان سرحدینده یئرلهشیر. داغین هوندورلویو 3072 مئتردیر. مشهور آغبولاق آشیریمی (هوندورلویو 2800 مئتر) بورادادیر. آدینی عینی آدلی بولاقدان آلمیشدیر. باش قافقاز سیلسیلهسینین جنوب یاماجیندا، قهبهله رایونو اراضیسینده وندام چایینین سول ساحلینده یئرلهشن و هوندورلویو 2468 مئتر اولان بیر داغین دا آدی آغبولاقدیر.
خوجاوند و شاماخی رایونو اراضیلرینده ده آغبولاق آدلی داغلار واردیر. بونلارین هامیسی اؤز آدلارینی عینی آدلی بولاقدان آلمیشدیر. جلیلاباد رایونونون آغداش انضباطی اراضی واحدینده، بورووار سیلسیلهسینین یاماجیندا یئرلهشن بیر کندین آدی «آغبولاق»دیر. عسگران رایونونون عینی آدلی انضباطی اراضی واحدینده و داغلیق اراضیده یئرلهشن بیر کندین ده آدی «آغبولاق»دیر. خوجالی رایونونون عینی آدلی انضباطی اراضی واحدینده و داغ اتهیی اراضیده یئرلهشن بیر کندین آدی «آغبولاق»دیر. کئچمیش آدی طالیبخانبهیلی اولموشدور. یاشاییش منطقهسی 19-جو عصرده طالیبخانبهی آدلی بیریسینه مخصوص مالدار عائلهلرین آغبولاق آدلی یئرده مسکونلاشماسی نتیجهسینده یارانمیشدیر.
خوجاوند رایونونون ائدیللی انضباطی اراضی واحدینده، قاراباغ سیلسیلهسینین اتهیینده یئرلهشن بیر کندین آدی «آغبولاق»دیر. 19-جوعصرده جنوبی آذربایجانین (ایرانین) قاراداغ ایالتیندن کؤچوب گلمیش عائلهلرین بورادا مسکونلاشماسیندان یارانمیشدیر. شورا حؤکومتی دؤورونده، 1992-جی ایلهدک «میسمینا» آدلاندیریلمیشدیر.
اسماییللی رایونونون قوشاکند انضباطی اراضی واحدینده، باش قافقاز سیلسیلهسینین اتهیینده یئرلهشن بیر کندین ده آدی یئنه «آغبولاق»دیر. کندین اراضیسی کئچمیشده عربشاهوئردی تایفاسینین قیشلاق یئری اولموشدور. یاشاییش منطقهسی 19-جو عصرین سونلاریندا همین تایفایا منسوب عائلهلر طرفیندن مسکونلاشمیشدیر.
لاچین رایونونون قاریکاها انضباطی اراضی واحدینده، قاراباغ سیلسیلهسینین اتهیینده یئرلهشن داها بیر کندین آدی «آغبولاق»دیر. همین رایونون موصطافابهیلی انضباطی اراضی واحدینده، هوجازسو چایینین ساغ قولونون ساحلینده یئرلهشن داها بیر کندین آدی «آغبولاق»دیر. کندین اراضیسی کئچمیشده زنگهزور قضاسیندا یاشامیش آغکؤرپو آدلی تایفانین قیشلاق یئرلریندن اولموشدور.
توووز رایونونون «کیرن» انضباطی اراضی واحدینده، اسریک [əsrik] و زهیم [zəyəm] چایلارینین سو آیریجیندا، اورتا داغلیق قورشاقدا یئرلهشن بیر کندین آدی «آغبولاق»دیر.. یاشاییش منطقهلری اراضیدهکی بولاقلارین آدی ایله آدلاندیریلمیشدیر.
افغانیستاندا «آقبولاق» آدلی 2 کند، قازاخیستاندا آکبولاک، ائرمنیستاندا آغبولاخ، تورکیهده آغبولاق، اورئنبورق ویلایتینده آکبولاک، قیرغیزیستاندا آک-بولاک و س. آدلی اوبیئکتلرین (جوغرافی عارضهلرین) مؤوجودلوغو بو توپونیمین عمومتورک اونوماستیکاسیندا (خصوصی آدلاری آراشدیران علم ساحهسی) گئنیش یاییلدیغینی گؤستریر. ایران توپونیملریندهکی «آغکهریز» (مرکزی ایران)، آغچئشمه (خوراسان) اویکونیملری ده آغبولاق توپونیمینین سینونیملریدیر.
- غربی آذربایجانین تورک منشالی توپونیملری:
گنجه قوبئرنیاسینین زنگهزور قضاسیندا، ایندیکی «گوروس/ gorus» رایونوندا بیر بولاغین و بیر کندین آدی «آغبولاق»دیر. کند رایون مرکزیندن 15 کیلومئتر غربده، «بازارچای»ین ساغ قولو اولان «کشین/ kəşin» چایینین سول ساحیلینده یئرلهشیر. قافقازین 5 وئرستلیک خریطهسینده «آغبولاق قیشلاغی» فورماسیندا قید ائدیلمیشدیر. کندده یاشایان آذربایجانلیلار 1918-جی ایلده ائرمنی تجاوزونه معروض قالاراق کنددن قوولموشدور. ایندیکی ائرمنیستاندا شورا حؤکومتی قورولاندان سونرا آذربایجانلیلار تاریخی ائتنیک تورپاقلارینا قاییدا بیلمیشدی. بورادا 1926-جی ایلده 66 نفر، 1931-جی ایلده 88 نفر، 1939-جو ایلده 146 نفر، 1959-جو ایلده 187 نفر، 1970-جی ایلده 335 نفر یالنیز آذربایجانلی یاشامیشدیر. 1988-جی ایلین نوامبر آیینین سونلاریندا ائرمنیستان دؤولتی طرفیندن کندین ساکینلری قوولموشدور. ایندی ائرمنیلر یاشاییر.
توپونیم آذربایجان دیلینده «کیفیتلی، ایچمهیه یارارلی» ایشلهنن «آغ» سؤزو ایله «بولاق» هیدرو تئرمینیندن عمله گلمیشدیر. کندین آدی اراضیدهکی عینی آدلی بولاغین آدیندان گؤتورولموشدور. هیدرواویکونیمدیر. قورولوشجا مرکب توپونیمدیر.
ایروان قوبئرنیاسیندا اوچ کندین آدی «آغبولاق»دیر. اونلاردان بیری آلئکساندروپول قضاسیندا، ایندی «حاماملی» (اسپیتاک) رایونوندا، رایون مرکزیندن 22 کیلومئتر مسافهده یئرلهشیر. قافقازین 5 وئرستلیک خریطهسینده قید ائدیلمیشدیر. ائرمنیستان شوروی حؤکومتینین 26/4/1946-جی ایل فرمانی ایله آدی دگیشدیریلیب «لوساخبیور» قویولموشدور.
ایکینجیسی یئنی بایزید قضاسیندا، ایندی چمبهرک/ çəmbərək (کراسنوسئلو) رایونوندا، رایون مرکزیندن 13 کیلومئتر شیمال-غربده یئرلهشیر. «ایروان قوبئرنیاسینین اجمال دفتری»نده و قافقازین 5 وئرستلیک خریطهسینده قید ائدیلمیشدیر. بو کندده 1831-جی ایلده 136 نفر، 1873-جو ایلده 422 نفر، 1886-جی ایلده 575 نفر، 1908-جی ایلده 940 نفر، 1914-جو ایلده 982 نفر، 1919-جو ایلده 1329 نفر یالنیز آذربایجانلی یاشامیشدیر. 1919-جو ایلین فئوریه – مارس آیلاریندا کندین اهالیسی ائرمنیلر طرفیندن قوولموشدور. ایندیکی ائرمنیستاندا شورا حؤکومتی قورولدوقدان سونرا ساغ قالان آذربایجانلیلار اؤز دوغما یوردونا قاییتمیشدی. 1922-جی ایلده 1053 نفر، 1926-جی ایلده 1113 نفر، 1931-جی ایلده 1392 نفر، 1939-جو ایلده 1504 نفر، 1959-جو ایلده 1141 نفر، 1970-جی ایلده 1563 نفر، 1979-جو ایلده 1450 نفر یالنیز آذربایجانلی یاشامیشدی. 1988-جی ایل اوامبرین 24-دن 28-نهدک ائرمنیستان دؤلتی طرفیندن گئجه ساعات 1-3 رادهلرینده کندین اهالیسی وحشیجهسینه آنا تورپاقلاریندان قوولموشدور. ایندی بورادا ائرمنیلر یاشاییر. ائرمنیستان پرئزیدئنتینین 19/4/1991-جی ایل فرمانی ایله کندین آدی دگیشدیریلیب آخئرئک قویولموشدور.
اوچونجوسو ایروان قضاسیندا، ایندیکی وئدی (آرارات) رایونوندا، وئدی چایینین ساحیلینده یئرلهشمیشدیر. قافقازین 5 وئرستلیک خریطهسینده قید ائدیلمیشدیر. کندده 1897-جی ایلده 95 نفر آذربایجانلی یاشامیشدیر. 20-جی عصرین اوللرینده، 1905- 1906-جی ایللرده آذربایجانلیلار قوولاراق کند لغو ائدیلمیشدیر.
قید ائدک کی، قافان رایونوندا دا بیر بولاغین آدی «آغبولاق»دیر.
تورکیهنین دیاربکیر، ائلازیغ، گوموشخانا، قارس، اوشاق و وان شههرلرینده آغبولاق آدلی کندلر واردیر.