سووج‌بولاق
سووج‌بولاق Sovucbulaq (ساوج بلاغ)
اردبیل - مرکزی بخش - شرقی ارشه دهیستانی - دهیستانین مرکزی: تاغدیزه
توپونیمیک خصوصیتلر
| سیستئم | تیپ | نؤع | ایضاحات | اهالینین دیلی |
|---|---|---|---|---|
| ماکروسیستئم | اویکونیم | کند | قورولوشجا مرکب (بیرینجی نؤع تعیینی سؤز بیرلشمه‌سی) هیدرواویکونیمدیر | آذربایجان دیلی |
دئموقرافیا
- تصرفات: اکینچیلیک، باغچیلیق، مالدارلیق باغچیلیق و واختی ایله خالچاچیلیق
- محصوللار: بوغدا، آرپا، یونجا، پاخلالی بیتکیلر، مئیوه.
- بیتکی اؤرتویو: یئملیک اوتلاردان علاوه نانه، یارپیز، اوزه‌رلیک، ککلیک‌اوتو.
- چؤل حیوانلاری: جاناوار، چاققال، تولکو، دووشان، ککلیک
- داغلار: مورسل داغی، ملیک کنی، کهریز داغی، آقا فلک
- چایلار: پاشا چایی، قوروچای
- قونشو کندلر: آلماس کندی، چیبینلی و چاووشان
- ماغارالار: آغ کؤهول
- میانادا، خیودا و تهراندا «ساوجبلاغ» آدلی کندلر واردیر. هم ده دؤولت قیدیاتیندا «مهاباد» کیمی یازیلان شه‌هرین اصل آدی «ساووج‌بولاق»دیر.
- بو کند منسوب اولدوغو دهیستانین غرب طرفینده رضی شه‌هرینین جنوبوندا و اردبیلین 29 کیلومئترلیگینده یئرله‌شیر.
- «شناسنامه روستایی استان اردبیل»:
«بنا به اظهارات سالمندترین فرد روستا گویا در تاریخ 1298 در روستای قولوبه‌یلی نزاع دسته جمعی بروز کرده و اهالی ساوج بولاق فعلی از آن قریه به این روستا آمده اند و اینجا آباد کرده اند. یعنی 80 سال پیش».
- غربی آذربایجانین تورک منشالی توپونیملری:
غربی آذربایجاندا، ایندیکی ائرمنیستاندا ایکی کندین و بیر بولاغین آدی «سویوق‌بولاق»دیر: 1-ایروان قوبئرنیاسی‌نین آلکساندروپول قضاسیندا، ایندیکی آماسیا رایونونداکی «چاخماق» کندینده یئرله‌شن بو بولاق سویونون سرینلیگینه، بوزلوغونا گؤره سویوق‌بولاق آدلانمیشدیر. قورولوشجا مرکب هیدرونیمدیر. 2-ایروان قوبئرنیاسی‌نین آلئکساندروپول قضاسیندا، ایندیکی «کالینینو» رایونوندا، رایون مرکزیندن 11 کیلومئتر شیمال-غربده و «قاراآرخاج» داغینین اتکلرینده یئرله‌شیر. ائرمنی منبع‌لرینده«سووخ بولاغ» فورماسیندن قید ائدیلیر. کندده 1886-جی ایلده 159 نفر، 1897-جی ایلده 154 نفر، 1904-جو ایلده 230 نفر، 1914-جو ایلده 125 نفر، 1916-جی ایلده 375 نفر آذربایجانلی یاشامیشدیر. 1918-جی ایلده آذربایجانلیلار ائرمنی‌لرین سوی‌قیریمینا معروض قالاراق کنددن چیخاریلمیشدیر. ایندیکی ائرمنیستاندا سووئت حاکمیتی قورولاندان سونرا ساغ قالانلار اؤز کندلرینه دؤنه بیلمیشدیر. بورادا 1922-جی ایلده 402 نفر، 1926-جی ایلده 405 نفری، 1931-جی ایلده 420 نفر آذربایجانلی یاشامیشدیر. 1988-جی ایلین آخیرلاریندا آذربایجانلیلار ائرمنی‌لرین تجاوزونه معروض قالاراق ائرمنیستان دؤولتی طرفیندن قوولموشدور. ایندی بورادا ائرمنی‌لر یاشاییر. قورولوشجا مرکب هیدرواویکونیمدیر. 3-ایروان قوبئرنیاسی‌نین یئنی بایزید قضاسیندا، ایندیکی «آختا» (رازدان) رایونوندا، «زنگی» چایی‌نین ساغ آخاریندا، سویوق بولاق چایی‌نین یوخاریسیندا یئرله‌شیر. قافقازین 5 وئرست‌لیک خریطه‌سینده قید ائدیلمیشدیر. ائرمنی منبع‌لرینده سووق بولاق فورماسیندا گؤستریلیر. کندده 1831-جی ایلده 43 نفر، 1897-جی ایلده 186 نفر آذربایجانلی و مسلمان کورد یاشامیشدیر. ائرمنی منبع‌لرینده کندین ساکن‌لری کیمی یالنیز کوردلر گؤسته‌ریلیر. 1926-جی ایلده کندده 1 نفر آذربایجانلی یاشامیشدیر. گؤرونور، فاکتلار تحریف ائدیلمیشدیر.
- شناسنامه روستایی استان اردبیل:
«در نزدیکی این قریه یک بلاغ بنام سویوخ بلاغ وجود دارد که آب آن همیشه سرد است و این قریه به همان سبب به ساوجیلاغ معروف شده است».
