طالیب‌قیشلاغی

طالیب‌قیشلاغی Talıbqışlağı(طالب قشلاقی)

اردبیل - مرکزی بخش - شرقی ارشه دهیستانی - دهیستانین مرکزی: تاغدیزه

توپونیمیک خصوصیتلر

سیستئم	تیپ	نؤع	ایضاحات	اهالینین دیلی
ماکروسیستئم	اویکونیم	کند	ساده (قورولوشجا مرکب: ایکینجی نؤع تعیینی سؤز بیرلشمه‌سی، ائللیپتیک، جوغرافی نومئنسیز	آذربایجان دیلی

دئموقرافیا

• تصرفات: اکینچیلیک، باغچیلیق، مالدارلیق، فهله‌لیک.
• محصوللار: بوغدا، آرپا، یونجا، پاخلالی بیتکیلر، تره‌وز و آلما.
• بیتکی اؤرتویو: یئملیک اوتلاردان علاوه گؤوزابان، ککلیک‌اوتو، بابانک، یارپیز.
• چؤل حیوانلاری: جاناوار، چاققال، تولکو، دووشان، ککلیک.
• داغلار: کامپور داغی، پورالی داغی، پامبیق‌داغیلان، قوش‌قایاسی داغی، آغداش، آغداغ
• ماغارا: شیخ اسلام کؤهولو
• تپه‌لر: چاغاناق، اوشداش
• آبیده (200ایل): قارا سیدین مقبره‌سی
• چایلار: قاراسو، قوش‌قایاچایی، قارداش سویو، آرخاج سویو

بئرلی تلفوظو «تالبیشداغی»دیر. تال پئچئنئق تایفالاریندان بیریدیر. لاکین بیزجه آنتروپواویکونیمدیر و طالیب آدلی شخصه منسوب اولدوغونا گؤره بئله آدلانمیشدیر. مکمل آدی «طالیب قیشلاغی کندی»دیر. شرقی ارشه دهیستانینین جنوبوندا، قوش قایاسی و جومایران کندلرینین قونشولوغوندا، اردبیلین 21 کیلومئتر شیمال غربینده یئرله‌شیر. رزم‌آرایا130 اساسا 1330-جو ایله کیمی بورادا 1107 نفر یاشاییرمیش.