قالایچی
قالایچی Qalayçı (قلیچی)
اردبیل - مرکزی بخش - بالیقلی دهیستانی - دهیستانین مرکزی: شام‌اسبی
توپونیمیک خصوصیتلر
| سیستئم | تیپ | نؤع | ایضاحات | اهالینین دیلی |
|---|---|---|---|---|
| ماکروسیستئم | اویکونیم | کند | ساده، ائللیپتیک، جوغرافی نومئنسیز | آذربایجان دیلی |
دئموقرافیا
- تصرفات: اکینچیلیک، مالدارلیق، فهله‌لیک و نقلیات.
- محصوللار: بوغدا، یونجا، آرپا، پاخلالی بیتکیلر.
- بیتکی اؤرتویو: ککلیک‌اوتو، بویماده‌رن، یارپیز، بابانک، شووه‌رن، یووشان، بنؤوشه، گیجی‌تیکان، شاتره، امه‌کومه‌جی، خاردالاما، خووباشی، بولاق‌اوتو، بوزووشا، چیله‌داغی
- چؤل حیوانلاری: جاناوار، تولکو، دووشان.
- داغلار: ساری داغ، جه‌بی داغی، کیچیک قاراوول، کول‌دره، تاواداشی *ماغارالار: فرهاد کؤهولو
- قونشو کندلر: زئیوه، وره‌نو، مادیه و گوللو
- تایفالار: لئیسانلی، اسکندرلی، چره‌کلی، آللاوئردیلی، اسماییللی، ملیکلی، آغاممدلی
- اردبیلین 20 کیلومئتر جنوب غربینده یئرله‌شیر. رزم‌آرایا34 اساسا 1330-جو ایله کیمی بورادا 371 نفر یاشاییرمیش.
- «شناسنامه روستایی استان اردبیل»:
این روستا را به زمان ماد نسبت می دهند واین روستا سابق قلعه وجود داشت. چون در این روستا قلعه وجود داشت بدان جهت قلعه چی یا قلیچی اطلاق شده است. شناسنامه روستایی استان اردبیلین بو کیمی فانتاستیک یوزوملاری قورتاراسی دئییلدیر. اصلینده ایسه اویکونیم قالایلاما پئشه‌سی ایله مشغول اولانلارین یاشاییش یئری اولان قالایچی کندی‌دیر. عینی حالدا ائتنواویکونیم اولما احتیمالی دا واردیر. چونکی اوغوزلارین «بایاندور» تایفاسینا منسوب قالایچی تایفاسی دا واردیر. زنگاندا بیر کندین آدی قالایچی‌دیر.
- غربی آذبایجاندا تورک منشالی توپونیملر:
ایروان قوبئرنیاسی‌نین ائچمیادزین قضاسیندا، ایندیکی «آباران» رایونوندا بیر کندین آدی «قالایچی»دیر. بو کند آباران چایی‌نین ساغ قولو اوزه‌رینده یئرله‌شیردی. قافقازین 5 وئرست‌لیک خریطه‌سینده «قالاچا» فورماسیندا قید ائدیلمیشدیر. 1950-جی ایللرده لغو ائدیلمیشدیر.
اویکونیمین ائتیمولوگیاسی
توپونیم اوغوزلارین بایاندیر تایفاسیندان اولان قالایچی ائتنونیمی اساسیندا عمله گلمیشدیر. ائتنواویکونیمدیر. قورولوشجا ساده توپونیمدیر. زونقول‌داغ، تونج‌ائلی، تکیرداغ و ارزوروم شه‌هرلرینده بیر کندین، کاستامونو شه‌هرینده ایسه ایکی کندین آدی «قالایچی»دیر.
