قوولوغا
آذربایجان توپونیمیکاسی سایتیندان
ایچینده‌کیلر
قوولوغا Qovluğa (چنذانق)
اردبیل - مرکزی بخش - شرقی دهیستان - دهیستانین مرکزی: نیار
توپونیمیک خصوصیتلر
| سیستئم | تیپ | نؤع | ایضاحات | اهالینین دیلی |
|---|---|---|---|---|
| ماکروسیستئم | اویکونیم | کند | ساده، ائللیپتیک، جوغرافی نومئنسیز | آذربایجان دیلی |
دئموقرافیا
- تصرفات: اکینچیلیک، مالدارلیق، فهله‌لیک و نقلیات.
- محصوللار: بوغدا، یونجا، آرپا، پاخلالی بیتکیلر.
- بیتکی اؤرتویو: یئملیک اوتلاردان علاوه یارپیز، بویماده‌رن
- چؤل حیوانلاری: جاناوار، تولکو، دووشان
- چایلار: بالیقلی
- قونشو کندلر: آغبولاق آغاجانخان
- اردبیلین 3 کیلومئتر شیمال شرقینده یئرله‌شیر. رزم‌آرایا96 اساسا 1330-جو ایله کیمی بورادا 305 نفر یاشاییرمیش. یئری گلمیشکن بو اثرده اویکونیمین آدی «چنذانق قورغا» کیمی قیده آلینمیشدیر.
- صریح الملکده «چنزانق» کیمی یازیلمیشدیر.
- اردبیل لیواسی‌نین مفصل دفترینده «چنزانق نام دیگر قویلوغا» شکلینده قیده آلینمیش و یئکون وئرگی‌سینین 200 آغچا اولدوغو بیلدیریلمیشدیر.
- آذربایجان توپونیملرینین ائنسیکلوپئدیک لوغتینه اساسا ایسماییللی رایونوندا بیر داغ سلسله‌سی و بیر داغین (هوندورلویو 2441 مئتر) آدی «قووداغ»دیر. اورونیم تورک دیللی «پئچئنئق»لرین قوو تایفاسینین آدی ایله باغلیدیر. قدیم روس سالنامه‌لرینده «کوی/ koy» شکلینده قیده آلینمیشدیر. بو تایفا 8-9-جو عصرلرده (بعضی‌لرینین فکرینجه ایسه 9-11-جی عصرلرده) پئچئنئقلرین ترکیبینده آذربایجانا گلمیشدیلر. یئرلی اهالی اونو «قوواوتو97» ایله باغلاسالار دا اصلینده آذربایجانداکی قوو ترکیبلی جوغرافی آدلار ائتنونیم منشالیدیر. بوندان باشقا صابرآباددا و تووزدا «قوولار» آدلی کندلر واردیر.
اویکونیمین ائتیمولوگیاسی
بئله‌لیکله قوولوغا و یا اردبیل لیواسینداکی قیده اساسا قویلوغا اویکونیمین ائتیمولوگیاسی آشاغیداکی شکیلده‌دیر: قوو/ قوی (تایفا)+ لو/ لوق (منسوبلوق)+ ا (کیچیلدیجی/ فرقلندیریجی علامت). دئمک قوولوغا/ قویلوغا کیچیک قوو/ قوی تایفاسینین یاشاییش یئری دئمکدیر. مکمل آدی «قوولوغا کندی»دیر.
