پیرآلوان
ایچینده‌کیلر
پیرآلوان Piralvan (پیرالوان)
اردبیل - مرکزی بخش - شرقی ارشه دهیستانی - دهیستانین مرکزی: تاغدیزه
توپونیمیک خصوصیتلر
| سیستئم | تیپ | نؤع | ایضاحات | اهالینین دیلی |
|---|---|---|---|---|
| ماکروسیستئم | اویکونیم | کند | ساده (قورولوشجا مرکب: بیرینجی نؤع تعیینی سؤز بیرلشمه‌سی)، ائللیپتیک، جوغرافی نومئنسیز | آذربایجان دیلی |
دئموقرافیا
- تصرفات: اکینچیلیک و مالدارلیق و فهله‌لیک.
- محصوللار: بوغدا، آرپا، یونجا، پاخلالی بیتکیلر.
- بیتکی اؤرتویو: یئملیک اوتلاردان علاوه بنؤوشه، گول ختمی، شیرین‌بیان، بویماده‌رن، ککلیک‌اوتو، بابانک، یارپیز.
- چؤل حیوانلاری: جاناوار، چاققال، تولکو، دووشان، ککلیک.
- چایلار: گوگ جوان بلاغی، دریالار بلاغی
- آبیده‌لر: پیر
- قونشو کندلر: ارباب کندی، یئیجه، جومایران، له‌له‌لی و میجندی
- اهرده «آلوان»، تبریزده «آلوانا»، اهوازدا «الوانی»، قزوینده، بهبهاندا، بیرجندده و زنگاندا «الوند» آدلی کندلر واردیر. تورک آذربایجان دیلینده سونو «ان» ایله بیتن بعضی سؤزلره «د» فوئنمی آرتیریلیر. مقایسه ائت «آسان»/ «هاساند» «یئزناوان» (نمین کندلریندن)/ «یوزناواند». بو دا بئله بیر قناعت یارادیر کی، «الواند»/ «آلوان».
- شناسنامه روستایی استان اردبیل:
«بنا به اظهارات اهالی گویا این قریه 400 سال پیش توسط یک نفر آباد شده و قبرستان در 100 متری روستا به پیر معروف است و در قدیم به زیارت او میرفته اند و زیر نظر میراث فرهنگی می باشد و در مقبره او کاشی های رنگی گویا به کار رفته بوده که آن روستا به پیرالوان معروف شده است».
- اردبیل لیواسینین اردبیل ناحیه‌سینده «قریه «پیرالوان» نزد قریه قوناق‌قیران، خالی عن‌الرعایا، تابع مزبور» شکلینده قیده آلینمیش و حاققیندا آشاغیداکی معلوماتلار وئریلمیشدیر:آسیاب وقف شیخ صفی، باب: 1 رسم سال (ایللیک وئرگی) 1000 آغچا
آذربایجان توپونیملرینین ائنسیکلوپئدیک لوغتی: آلپان، اورونیم، ساده، قوبا رایونو اراضی‌سینده داغ. توپونیم قدیم آلبان تایفا آدینی اؤزونده عکس ائتدیریر. آلبانلار آذربایجانین تورک منشالی قدیم یئرلی ساکنلری اولموشلار. آلپان، اویکونیم، ساده، قوبا رایونونون عینی آدلی انضباطی اراضی واحدینده کند. قوروچایین ساغ ساحلینده، قوسار مائیلی دوزنلیگینده‌دیر. کندین اراضی‌سینده میلاددان قاباق 1-جی مین ایللیگه عاید شه‌هرگاه وار. ائتنوتوپونیمدیر.
اویکونیمین ائتیمولوگیاسی
منبعلرده «آلوان» سؤزونون «آلبان» کیمی ده یازیلماسی بئله بیر فیکری ایره‌لی سورمه‌یه اساس وئریر کی، اصلینده آلبان ائتنونیمینی عکس ائتدیریر. لاکین سؤزون اولینه «پیر» کومپونئنتی‌نین آرتیریلماسی مسئله‌نی بیر آز نئجه دئیرلر غلیظ‌لشدیریر. بئله کی، آذربایجاندا مقدس مکانلارا «پیر»، «اوجاق» دئییلیر. همین ایکی تئرمینین آرخاییک‌لشمیش فورماسی «آل»دیر، آل +قیر = آلقیر، آل + بولاق = آلبولاق و س. سونرالار، «آل» سوزونون «پیر» سوزو ایله ده‌ییشیلمه‌سی «آل» کومپونئنتی‌نین آتیلماسینا یوخ، «پیر» سؤزونون آرتیریلماسینا گتیریب چیخارمیشدیر: پیر + آلقیر = پیرالقیر. داها دوغروسو آلقیر = پیرقیر. محض بونا گؤره ده دئمک اولار کی، «پیرالوان» سؤزونده‌کی «پیر» کومپونئنتی سونرادان، «آل» سؤزونون آرخاییک‌لشمه‌سیندن سونرا آرتیریلمیشدیر. دئمک پیرالوان = پیر + آل + وان (مقدس وان تایفاسی). بوندان باشقا ابن بزاز اردبیلی‌نین «صفوه‌الصفا» آدلی اثرینده بو اویکونیم «الیوان» کیمی قید ائدیلمیشدیر. ائللیپتیک جوغرافی نومئنسیزدیر. مکمل فورماسی «پیرآلوان کندی»دیر. منسوب اولدوغو دهیستانین جنوب غربینده یئرله‌شیر، غرب طرفدن دوجاق دهیستانی ایله هم سرحددیر. اردبیل موغان یول پولیسی‌نین آرخا طرفینده و اردبیلین 38 کیلومئترلیگینده یئرله‌شیر. رزم‌آرایا125 اساسا 1330-جو ایله کیمی بورادا 852 نفر یاشاییرمیش.
