چات‌قایا

آذربایجان توپونیمیکاسی سایتیندان

چات‌قایا Çatqaya (چات قیه)

اردبیل - مرکزی بخش - شرقی ارشه دهیستانی - دهیستانین مرکزی: تاغدیزه

توپونیمیک خصوصیتلر

سیستئم تیپ نؤع ایضاحات اهالینین دیلی
ماکروسیستئم اویکونیم کند ساده قورولوشجا مرکب، ائللیپتیک، جوغرافی نومئنسیز آذربایجان دیلی

دئموقرافیا

  • تصرفات: اکینچیلیک، باغچیلیق، مالدارلیق، باغچیلیق و واختیله خالچاچیلیق (کلله‌قوچ ناخیشلی خالچا توخوماقدا یوکسک مهارت قازانمیشلار).
  • محصوللار: بوغدا، آرپا، یونجا، آلی، آرمود، اریک.
  • بیتکی اؤرتویو: یئملیک اوتلاردان علاوه ساری‌گول، اوزه‌رلیک، یارپیز.
  • چؤل حیوانلاری: جاناوار، چاققال، تولکو، دووشان.
  • داغلار: بؤیوک داغ، کیچیک داغ، فتح‌آغا داغی
  • قونشو کندلر: تاغدیزه، محمدجانلی، قیلینج قیشلاغی و سرخانلی
  • گونبذده بیر کندین آدی «چات»دیر.
  • سامسوندا بیر کندین ایندیکی، دیگر بیر کندین ایسه قاباقکی آدی «چات‌قایا»دیر.
  • اردبیلین 16 کیلومئتر شیمال غربینده یئرله‌شیر. رزم‌آرایا128 اساسا 1330-جو ایله کیمی بورادا 171 نفر یاشاییرمیش.
  • «چاتاخ» قدیم تورک دیللرینده ایکی داغین بیرلشدیگی یئر، داغلیق اراضی‌ده یول آیریجی دئمکدیر. اولا بیلسین کی، «چات‌قایا» کندینین آدی اونون جوغرافی لاندشافتینی عکس ائتدیریر. دئمه‌لی اورواویکونیم اولماقلا عینی حالدا جوغرافی نومئنسیزدیر. مکمل فورماسی ایسه «چات‌قایا کندی»دیر.
  • غربی آذربایجانین تورک منشالی توپونیملری:

ایروان قوبئرنیاسی‌نین ایروان قضاسیندا، ایندی ائللر (آبوویان، کوتایک/kotayk) رایونوندا بیر کندین آدی «چات‌قیران»دیر. رایون مرکزیندن 10 کیلومئتر جنوب شرقده یئرله‌شیر. «ایروان ایالتی‌نین اجمال دفتر»ینده «مسلمانلارین یاشادیغی چات‌قیران»، قافقازین بئش وئرست‌لیک خریطه‌سینده «جادقران/cadqran»، ائرمنی منبع‌لرینده هم ده چاتیقران کیمی قید ائدیلمیشدیر. کندده 1828-جی ایله کیمی یالنیز آذربایجانلیلار یاشامیشدیر. 1828-30-جو ایللرده ایرانین «خوی» ولاینتیندن ائرمنی‌لر کؤچوروله‌رک کندده یئرله‌شدیریلمیشدیر. بورادا ائرمنی‌لرله یاناشی 1831-جی ایلده 19 نفر آذربایجانلی یاشامیشدیر. 1840-جی ایللرده آذربایجانلیلار قووولموشدور. ایندی بورادا ائرمنی‌لر یاشاییر. قید ائدک کی، بو کندین آدی ایکی دفعه دگیشدیریلمیشدیر: 1935/01/03-ده هرازدان/hrazdan، 1967/10/21-ده ایسه قئقاشئن. توپونیم تورک دیلینده «داغ بئلی، داغین چیخینتیسی، قایالی هوندورلوک، ایکی دره‌نی بیرلشدیرن یئر، یارغان، دره‌لی سیرا داغلار»، «ایکی چای آراسیندا یئر» معناسیندا ایشله‌نن چات سؤزو ایله تورک دیلینده (اصلا مغول دیلینه منسوبدور) «چپه‌ر، حاصار»، «دوشرگه»، «حیوانلار اوچون آغیل»، «یاشاییش یئری»، «آلاچیق» معناسیندا ایشله‌نن کورئن/ kuren سؤزوندن عمله گلیب. «قایالیقدا ایکی دره‌نین، ایکی چایین آراسیندا اولان یاشاییش یئری، کند» معناسینی ایفاده ائدیر. مرکب قورولوشلو اورواویکونیمدیر.

اویکونیمین ائتیمولوگیاسی

چات یاریق دئمکدیر. اردبیلده «چاتلاق» فورماسیندا ایشله‌نیر. دئمک «چات‌قایا» یاریلمیش قایا معناسیندادیر. دئمک اورونمی اساسلیدیر. اویکونیمین مکمل آدی «چاتقایا کندی»دیر.