کمی‌آوا
آذربایجان توپونیمیکاسی سایتیندان
ایچینده‌کیلر
کمی‌آوا Kəmiyava (کمی آباد)
اردبیل - مرکزی بخش - شرقی دهیستان - دهیستانین مرکزی: نیار
توپونیمیک خصوصیتلر
| سیستئم | تیپ | نؤع | ایضاحات | اهالینین دیلی |
|---|---|---|---|---|
| ماکروسیستئم | اویکونیم | کند | ساده، ائللیپتیک، جوغرافی نومئنسیز | آذربایجان دیلی |
دئموقرافیا
- تصرفات: اکینچیلیک، مالدارلیق، فهله‌لیک و نقلیات.
- محصوللار: بوغدا، یونجا، آرپا، پاخلالی بیتکیلر.
- بیتکی اؤرتویو: یارپیز، بویماده‌رن، اوه‌لیک، ککلیک‌اوتو
- چؤل حیوانلاری: جاناوار، چاققال، تولکو، دووشان،
- چایلار: قوروچای
- قونشو کندلر: ایره‌جووار، همتاوار
- میانادا «کمی»، فریدنده «کمیتک/کمی‌تاک/کمی‌داغ»، اراکدا «کمی‌جان/کمی‌قان»، خوررم‌آباددا «کمیر/کمی‌ار» آدلی کندلر واردیر.
- اردبیلین 7 کیلومئتر جنوب شرقینده یئرله‌شیر. رزم‌آرایا98 اساسا 1330-جو ایله کیمی بورادا 284 نفر یاشاییرمیش.
اویکونیمین ائتیمولوگیاسی
اویکونیمین اساسیندا دوران «کم» سؤزونون مختلف تلفوظ واریانتلاری «کم/کام» (ار فرقلندیریجیسی قوشولارسا؛ کمه‌ر)، «قام» (ار فرقلندیریجیسی قوشولارسا؛ قمه‌ر)، «خوم» (ار فرقلندیریجیسی قوشولارسا؛ خومار) و س.دن عبارتدیر. مثال اوچون مقایسه ائت؛ «آلکمر»، «کمرلی»، «قمرلی»، «خومارلو» اویکونیملری. دئمه‌لی: «کم+ای (جمع‌لیک، تایفا بیلدیرن توپوشکیلچی)+آوا/اوبا (یاشاییش یئری). ائتنواویکونیمدیر و کم تایفاسینین یاشادیغی یئر دئمکدیر. اویکونیم ائللیپتیک جوغرافی نومئنسیزدیر. مکمل آدی «کمی‌آوا کندی»دیر.
