ائیمیر
ائیمیر Eymir (ایمیر)
اردبیل - مرکزی بخش - شرقی ارشه دهیستانی - دهیستانین مرکزی: تاغدیزه
توپونیمیک خصوصیتلر
| سیستئم | تیپ | نؤع | ایضاحات | اهالینین دیلی |
|---|---|---|---|---|
| ماکروسیستئم | اویکونیم | کند | ساده، ائللیپتیک، جوغرافی نومئنسیز | آذربایجان دیلی |
دئموقرافیا
- تصرفات: اکینچیلیک و مالدارلیق و خالچاچیلیق (کلله‌قوچ ناخیشلی خالچا توخوماقدا یوکسک مهارت قازانمیشلار).
- محصوللار: بوغدا، آرپا، تره‌وز، یونجا، پاخلالی بیتکیلر و بوستان بیتکیلری
- بیتکی اؤرتویو: یئملیک اوتلاردان باشقا یارپیز، ککلیک‌اوتو، گول‌ختمی و بولاق‌اوتو.
- چؤل حیوانلاری: جاناوار، چاققال، تولکو، دووشان.
- داغلار: بوزداغ، تورشه‌کلی داغ، قاراکیر، دؤوروش داغی
- قونشو کندلر: له‌له‌لی، به‌یلر آباد، اکمه‌لی و آغ‌قالا
- بو کند اردبیلین 39 کیلومئترلیک شیمال غربینده یئرله‌شیر. رزم‌آرایا103 اساسا 1330-جو ایله کیمی بورادا 310 نفر یاشاییرمیش.
- آذربایجان توپونیملرینین ائنسیکلوپئدیک لوغتی:
آغداغ رایونوندا بیر کندین آدی «ائیمور»دور. کور چایی‌نین ساحلینده، شیروان دوزونده‌دیر. اویکونیم تورکدیللی ائیمور تایفاسینین آدی ایله باغلیدیر. ائتنواویکونیمدیر. قورولوشجا ساده توپونیمدیر. ائیمورلار و یا ائمیرلر/ایمیرلر 12-جی عصرده سلجوق یوروشلرینده فعال اشتراک ائتمیش، صفوی‌لر دؤولتی‌نین اجتماعی و سیاسی حیاتیندا معین رول اوینامیشلار. گده‌به‌ی رایونوندا یاشایان ائیمورلارین آدی ایله باغلی ائمیر چایی، ائمیر کندی، ائمیر بوزداغی و س. جوغرافی آدلارا راست گلمک ممکندور. بو ائتنواویکونیم سلجوق تورکلری‌نین «ائیمور» تایفاسینین آدینی عکس ائتدیریر. بعضی اردبیل دیالئکتلرینده «تئیمور» سؤزونون «تئیمیر» کیمی تلفظ اولونماسی سوزوموزه جانلی ثبوتدور، ائللیپتیک جوغرافی نومئنسیزدیر. مکمل فورماسی «ائیمیر کندی»دیر.
- شناسنامه روستایی‌نین استان اردبیل: «بنا به اظهارات مردم گویا خانی در قدیم در این قریه بوده است. به ایشان «آقا» می گفته اند که بعدا ایمیر معروف شده است»!!!
- ائرمنیستاندا آذربایجان منشالی توپونیملری ایضاحلی لوغتی:
ائیمور بولاغی 1590-جی ایلده روان ایالتینده یایلاق آدی104. سلجوق اوغوزلارینین ائیمور تایفاسینین آدینی عکس ائتدیریر105.
- تورکیه‌نین آیدین شه‌هرینده بیر کندین آدی «داغ‌ائیمیر»دیر. ائله‌جه ده دیگر بیر کندین آدی «ائیمور»دور.
اردبیل – موغان یولونون غرب طرفینده، مئشکین- گئرمی آیریجی‌نین یاخینلیغیندا یئرله‌شیر.
-زنگان کندلریندن بیرینین آدی «ایمر»دیر106.
-گونبذ شهریستانی آتابای دهیستانیندا بیر کندین آدی «ایمر-ممدقولی»دیر107.
