له‌له‌لی
آذربایجان توپونیمیکاسی سایتیندان
له‌له‌لی Lələli (له‌له‌لو)
اردبیل - مرکزی بخش - شرقی ارشه دهیستانی - دهیستانین مرکزی: تاغدیزه
توپونیمیک خصوصیتلر
| سیستئم | تیپ | نؤع | ایضاحات | اهالینین دیلی |
|---|---|---|---|---|
| ماکروسیستئم | اویکونیم | کند | ساده (دوزه‌لتمه)، ائللیپتیک، جوغرافی نومئنسیز | آذربایجان دیلی |
دئموقرافیا
- تصرفات: اکینچیلیک، باغچیلیق، مالدارلیق و فهله‌لیک.
- محصوللار: بوغدا، یونجا، آرپا، پاخلالی بیتکیلر، اریک و آلما.
- بیتکی اؤرتویو: یئملیک اوتلاردان علاوه گؤوزابان، گول‌ختمی، بابانک، ککلیک‌اوتو، بویماده‌رن، شیرین‌بیان.
- چؤل حیوانلاری: جاناوار، پورسوخ، تولکو، دووشان.
- داغلار: ممدبه‌ی داغی، اوبات داغی، قاراجاسون داغی، اؤکوزقیچی
- بو کند گئرمی- مئشکین آیریجی‌نین 5 کیلومئترلیگینده، اردبیلین 28 کیلومئتر شیمال غربینده یئرله‌شیر.
- قونشو کندلر: ائیمیر و به‌یلر آباد
- اردبیلین 28 کیلومئتر شیمالیندا یئرله‌شیر. رزم‌آرایا135 اساسا 1330-جو ایله کیمی بورادا 347 نفر یاشاییرمیش.
معین بیر «له‌له»یه عاید یاشاییش یئریدیر. دئمک آنتروپواویکونیم حساب ائدیلمه‌لیدیر.
- آذربایجان توپونیملرینین ائنسیکلوپئدیک لوغتی:
گنجه قوبئرنیاسی‌نین قازاخ قضاسیندا، ایندیکی کاروانسارای (ایجئوان) رایونوندا بیر کندین آدی «له‌له‌کند»دیر. رایون مرکزیندن 16 کیلومئتر مسافه‌ده یئرله‌شیر.
توپونیم «بؤیوک، تربیه‌چی» معناسیندا ایشله‌نن له‌له سؤزونه قدیم تورک دیلینده «یاشاییش منطقه‌سی» معناسیندا ایشله‌نن کند سؤزونون بیرلشمه‌سیندن عمله گلمیشدیر. قورولوشجا مرکب اویکونیمدیر.
- هروآباد و اهرده«له‌له‌لی»، اورمیادا«له‌له‌لی آتلیخان»، «له‌له‌لی توراب» و «له‌له‌لی» کندلری واردیر. ائله‌جه ده چاه بهاردا ایکی کندین آدی «له‌له‌بازار»، اردبیلده بیر کندین آدی «له‌له‌بولاغی»دیر.
- «شناسنامه روستایی استان اردبیل»ین یوزومو مسولیت‌سیز یاناشما باخیمیندان دقت چکیجی‌دیر: «له‌له یعنی کسی که یاد گرفته وکسی که می داند و به معنی مرغ پر دار است». دئمک قیدیاتچی له‌له‌لی سؤزونو «له‌لکلی» کیمی اوخوموشدور.
اویکونیمین آدی «له‌له» (تربیه‌چی) سؤزو ایله علاقه‌داردیر. مکمل آدی «له‌له‌لی کندی»دیر.
